+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Aqmola oblysynda túrli aýrýmen kúresýge tyń ádister qoldanylmaq

2021 jylǵy 26 qyrkúıek 17:23
Bólisińiz:
Aqmola oblysynda túrli aýrýmen kúresýge  tyń ádister qoldanylmaq

KÓKShETAÝ. QazAqparat - Kókshetaýda áleýmettik mańyzy bar aýrýlarmen kúres máselesi talqylandy, dep habarlaıdy QazAqparat tilshisi.

Uqsas jańalyqtar
SQO-da týberkýlezben aýyrǵandarǵa qarjylaı kómek kórsetildi

Jıynda Aqmola oblysy Densaýlyq saqtaý basqarmasynyń basshysy Narıman Syzdyqov óńirdegi týberkýlez derti taralýy jáne onymen kúresý joldary týraly aıtyp berdi.

«Atalmysh dertpen kúresýde emdeýdiń ambýlatorııalyq kezeńinde týberkýlezben aýyratyn naýqastarǵa áleýmettik kómek kórsetýde jergilikti bıýdjetten bólinetin qarjylandyrý jetkiliksiz bolyp otyr. Muny sheshý úshin týberkýlezben aýyratyn naýqastarǵa áleýmettik kómek kórsetý boıynsha tetikterdi ázirleý mańyzdy. Sonymen birge, halyqty esepke alý jáne tirkeý, kóshi-qon deńgeıi, belgili bir turǵylyqty jeri joq adamdar sanynyń kóbeıýi kedergi keltirip otyr. Bul týberkýlezben aýyratyn naýqastardy ýaqtyly jáne tolyq emdeýde úlken ról atqarady», - dedi N. Syzdyqov.

Taǵy bir másele - dárigerlerdiń ftızıatrlarmen jabdyqtalýynyń tómendigi.

«Bul búkil densaýlyq saqtaý júıesine qatysty. Máselen, Arshaly aýdanynda mundaı dárigerler qazir bala týýǵa baılanysty demalysta, keıbir aýdandarda qosymsha jumys isteıtinder bar, al keıbireýlerinde olar múldem joq. Ftızıatrlardyń kópshiligi zeınetkerlik jasqa jaqyn nemese zeınetke shyqqan adamdar. Tıisinshe, erteń bizde kadr tapshylyǵy, týberkýlez máselesi boıynsha mamandar jetkiliksiz bolýy múmkin», - dep naqtylady N. Syzdyqov.

Ulttyq týberkýlez baǵdarlamasy janyndaǵy «týberkýlez» komponenti boıynsha Jahandyq qordy iske asyrý tobynyń ókili Shahımurat Ysmaıylov úkimettik emes uıymdardy týberkýlezben, AITV jáne COVID – 19-men kúreske tartý týraly bastama kóterdi.

«Men jurtshylyq, halyqtyń qalyń jigi jáne Aqmola oblysynyń basshylyǵy úkimettik emes uıymdardy áleýmettik mańyzy bar aýrýlarmen, atap aıtqanda týberkýlezben, AITV-men, COVID-19-men kúreske qosýdyń osy jobasyn qoldaýǵa daıyn ekenin kórip otyrmyn. Sebebi resmı medıtsınalyq qyzmetter buǵan qol jetkize almaıtyn tustary bar. Mysaly, halyqtyń osal toptarynda – alkogolızmge shaldyqqandar, mıgranttar, úısiz adamdar», - dep atap ótti Shahımurat Ysmaıylov.

Onyń aıtýynsha, kelesi jyly lot pen tehnıkalyq tapsyrmany qalyptastyrý úshin qajetti qujattardy daıyndaý josparlanǵan. Al keleshekte osyndaı jobalardy elimizdiń basqa da óńirlerinde qurý qajet.

«Biz úkimettik emes uıymdarǵa halyqtyń osal toptarymen jumys isteý úshin týberkýlezben kúrestiń tolyqqandy lotyn jarııalaǵymyz keledi. Bul turaqty, jyldyq protsess bolýy úshin. Jalpy, bizdiń mindetimiz – týberkýlezdi epıdemııa retinde, sodan soń aýrý retinde joıý», - dep túıindedi Shahımurat Ysmaıylov.


Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT