+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

Aqmola oblysynda týrızm salasy qalaı damyp keledi

2021 jylǵy 27 qyrkúıek 15:34
Bólisińiz:
Aqmola oblysynda týrızm salasy qalaı damyp keledi

KÓKShETAÝ. QazAqparat – Búgin, 27 qyrkúıek-Dúnıejúzilik týrızm kúni. Kásibı mereke qarsańynda Aqmola oblysy týrızm basqarmasynyń basshysy Andreı Podgýrskıı QazAqparat tilshisine óńirde týrızm salanyń damýy men aldaǵy josparlary týraly aıtyp berdi.

Uqsas jańalyqtar
Aqmola oblysynda jasóspirimdi pyshaqpen qorqytqan 60 jastaǵy er adam ustaldy Kórmedegi Kókshetaýdyń qus ushatyn bıikten túsirilgen sýretteri kórermen qyzyǵýshylyǵyn týdyrdy Aqmola oblysynda jol apaty saldarynan eki adam kóz jumdy

– Andreı Ivanovıch, pandemııanyń kúrdeli kezeńinde Aqmola oblysynda týrızm salasy qalaı damyp jatyr. Osy týraly aıtyp berseńiz.

– Aqmola oblysynda týrızm salasy erekshe oryn alady. Óńirdiń týrıstik klasterine týrızm salasyndaǵy 500-den astam kásiporyn kiredi. Munda «Býrabaı», «Buırataý» jáne «Kókshetaý» úsh memlekettik ulttyq tabıǵı park, Qorǵaljyn memlekettik tabıǵı qoryǵy (álemdegi eń Soltústik Qyzǵylt flamıngo popýlıatsııasy), sondaı-aq, 900 tarıh jáne mádenıet eskertkishteri bar.

Oblysta 73 týrıstik marshrýt jumys isteıdi, onyń ishinde Kókshetaý, Býrabaı, Zerendi, Qorǵaljyn jáne Ereımentaý aýdandary men Birjan sal aýdanynyń tarıhı jáne kıeli oryndary qamtylǵan. Koronavırýstyq pandemııanyń týrızm salasyna teris áserine qaramastan, aımaqqa 2020 jyly 500 myńnan astam adam kelip, ótken jyldardaǵy týrıstik saparlardyń deńgeıin saqtap qaldy.

Statıstıka organdarynyń aldyn ala derekterine sáıkes, aǵymdaǵy jyldyń birinshi jartyjyldyǵynda Aqmola oblysy boıynsha qyzmet kórsetilgen kelýshiler sany 317,8 myń adamdy qurady, onyń ishinde ornalastyrý oryndarynda toqtatylǵandar sany – 55,6 myń adam. Týrıstik saparlar boıynsha kórsetkish ishki týrıster esebinen jyl sońyna deıin 600 myńnan astam adamǵa jetýi múmkin. Ornalastyrý nysandary 1,9 mıllıard teńge somaǵa qyzmetter kórsetti, bul ótken jylǵy kórsetkishterden 55,8 paıyzǵa joǵary.

– Qandaı nysandar týrıster arasynda eń tanymal?

– Memleket nazaryna Qazaqstannyń injý-marjany «Býrabaı» jyl saıyn jańa jarqyn «fıshkalarǵa» ıe bolýda. Bul, eń aldymen, kýrorttyń biregeı jerlerine tek otandyq ǵana emes, sonymen qatar sheteldik týrısterge de keń qol jetimdilikti ashatyn ınfraqurylym. Qazaqstandaǵy alǵashqy ashyq aspan astyndaǵy «Botaı – Býrabaı» etnokesheni erekshe qyzyǵýshylyq týdyrady, ol Qazaqstan dalasynda jylqynyń qolǵa úıretilýiniń ejelgi tarıhyn ashady. Álemde balamasy joq «Býrabaı» halyqaralyq tramplın kesheni de demalýshylar úshin qyzyqty. «Abylaıhan» ekspozıtsııalyq kesheni búgingi kúni týrısterdi tartatyn jańa orynǵa aınaldy, sondaı-aq aınalasynda attraktsıondary bar sholý dóńgelegi, «Discovery» aýmaǵynda iske qosylǵan akvapark bar.

– Siz aıtyp ótkendeı, qazir bizde ishki týrızm bar...

– Iá, qazirgi ýaqytta koronavırýstyq ınfektsııadan týyndaǵan jaǵdaılar ishki týrızmniń áleýetin arttyrýǵa múmkindik berdi. Shekaralardyń jabylýy kásipkerlerdi demalystyń jańa túrin – perspektıvaly baǵyttardyń biri bolyp tabylatyn glempıngti damytýǵa ıtermeledi. Aǵymdaǵy jyldyń maýsym aıynda «Jákibaeva» JK «Les ı Zvezdy» týrıstik nysany ashyldy, ol Júkeı kóliniń mańynda ornalasqan. Demalys aımaǵynda 10 tenthaýs bar. Olardyń árqaısysynda 2-den 5 adamǵa deıin ornalasa alady. Shilde aıynan bastap qonaqtardy «Baıbosynova» JK «Orbıta Júkeı» jańa glempıngtik aımaǵy qarsy aldy, onda «Býrabaı» ulttyq parkiniń qaraǵaı ormany men taza Júkeı kóliniń panoramalyq kórinisi bar jeti sala ornalasqan.

– ýche-Býrabaı kýrorttyq aımaǵynda (BKA) qandaı jobalar júzege asyrylýda?

– Bıyl BKA sharýashylyǵyn damytýǵa 7,8 mıllıard teńge bólindi. Oblys ákimdigi «BI-Group» kompanııasymen birlesip Býrabaı kentiniń rekreatsııalyq klasteriniń jobalyq tujyrymdamasyn ázirledi (otel-spa, bıýdjettik qonaq úı, akvapark, sport kesheni, taqyryptyq park). Sondaı-aq, «Bergutty» kompanııasy Medıtsınalyq jáne demalys ortalyǵyn salýdy kózdeıtin Koktal town kópsalaly parkiniń «Baqyt araly» jobasynyń tujyrymdamasyn ázirledi. Jobany Júkeı kóliniń jaǵasynda júzege asyrý josparlanýda.

Óńirdiń týrıstik ınfraqurylymdyq keshenin damytý úshin 2021 jyly jalpy ınvestıtsııa somasy 6,7 mıllıad teńgeni quraıtyn 22 jobanyń jalpy somasy 1,6 mıllıard teńgeni quraıtyn 7 joba iske asyryldy, olardyń ekeýi eń mańyzdylary. Bul «Wyndham Garden» qonaq úıiniń («Zernovaıa ındýstrııa – Astana» JShS) qurylysy jáne «AQBURA Resort» otbasylyq úlgidegi kýrorttyń qurylysy. Qazirgi ýaqytta Býrabaı kentiniń týrıstik ınfraqurylymyna ınvestıtsııa salýǵa daıyn iri kompanııalarmen (BI Group, Hilton Hotels & Resorts, Sembol Construction, Radisson Hotel Group, Bazis Holding Company, KGS Saýda) kelissózder júrgizilýde.

– BKA-dan basqa, Aqmola oblysy qandaı týrıstik demalys aımaqtarymen maqtana alady?

– Óńirlik deńgeıdegi týrıstıfıkatsııalaý kartasynyń top-50 nysanyna kiretin Zerendi kýrorttyq aımaǵy óńirdiń týrıstik áleýetin damytýdaǵy mańyzdy obekt bolyp tabylady. Týrıstik ónimniń qoljetimdiligin qamtamasyz etýge óńirdiń kýrorttyq aımaqtarynyń týrıstik obektilerin aýmaqtyq baılanystyrǵan «ýche – Zerendi» avtomobıl jolyn paıdalanýǵa engizý eleýli úles qosty. Kýrorttyq áleýetti damytý úshin Zerendi kýrorttyq aımaǵyn damytýdyń 2025 jylǵa deıingi jospary óńirlik deńgeıdegi baǵdarlamalyq qujat qabyldandy.

Sondaı – aq, Elorda mańyndaǵy týrızm aımaǵy (Aqkól, Arshaly, Ereımentaý, Qorǵaljyn, Tselınograd, Shortandy aýdandaryndaǵy demalys kúngi týrızm) jáne Qorǵaljyn memlekettik tabıǵı qoryǵy (ekologııalyq jáne ǵylymı týrızm) erekshelenedi. Elorda mańyndaǵy aýdandardyń aýmaǵynda 642 mıllıon teńge ınvestıtsııa somasyna bes jobany iske asyrý bastaldy, onyń ishinde 20 glempıng ornatý, «Eko ferma» qurylysy (Aqkól aýdany), «Taza bulaq» demalys aımaǵynyń óndiristik qýatyn keńeıtý jáne jol boıyndaǵy servıs nysannyń qurylysy (Tselınograd aýdany) bar. Munda týrızm qyzmetterin usynatyn abattandyrylǵan demalys aımaqtarynyń jelisi jumys isteıdi, onyń ishinde «Beıbarys» demalys bazasy (Arshaly aýdany), «Family Garden» demalys aımaǵy (Aqkól aýdany), «Altyn qyrǵaýyl», «Balqaraǵaı», «Green Park» demalys ortalyǵy (Tselınograd aýdany) jáne basqalary.

– Týrıster Aqmola oblysyndaǵy demalys týraly barlyq qajetti aqparatty qaıdan taba alady?

– Óńirdiń týrıstik ónimin ilgeriletý sheńberinde kún saıyn áleýmettik jelilerde (Instagram, Facebook) Aqmola oblysynyń týrıstik ónimderin ilgeriletýge baǵyttalǵan jarnamalyq grafıkalyq kontent ornalastyrylady. Aqmola oblysynyń týrıstik áleýeti týraly jańartylǵan 3-tildik (qazaq, orys, aǵylshyn) saıt jumys isteıdi (<url> www.visitaqmola.kz). anyqtamalyq-aqparattyq jolsiltemeni, QR-kodty skanerleý, baǵalary men baılanystary bar tanymal marshrýttardy qamtıtyn «Visit Aqmola» mobıldi qosymshasy jumys isteıdi.

Sondaı-aq aqparattyq dúńgirshekterge arnalǵan offlaın-baǵdarlama ázirlendi (Nur-Sultan qalasynyń «Nurly jol» temirjol vokzalynyń ǵımaraty, Kókshetaý qalasynyń áýejaıy, Kókshetaý qalasynyń temirjol vokzalynyń ǵımaraty, Býrabaı kentindegi «Býrabaı damý» JShS vızıt-ortalyǵy). Áleýmettik jelilerde óńirdiń týrıstik jáne ınvestıtsııalyq tartymdylyǵyn ilgeriletý boıynsha «Beımálim Aqmola» travel-jobasyn iske asyrý jalǵasýda.

Júrgizilip otyrǵan saıasat týrıstik ónimdi saralaýǵa, nómirlik qordy keńeıtýge jáne ornalastyrýdy qamtamasyz etýge, 2025 jylǵa qaraı 1,5 mıllıon adamǵa boljanatyn týrıstik aǵyndy eskere otyryp, óńirdiń týrıstik salasyn damytýǵa jańa serpin beredi dep sanaımyn.

– Merekege oraı áriptesterińizge ne aıtqyńyz keledi?

– Osy múmkindikti paıdalana otyryp, Aqmola oblysynyń týrızm ındýstrııasy qyzmetkerleriniń 5 myńdyq armııasyn kásibı merekesi-Dúnıejúzilik týrızm kúnimen shyn júrekten quttyqtaǵym keledi. Bızneste sáttilik jáne týrıster sany arta berýin tileımin!

- Suhbatyńyz úshin rahmet.


Avtory: Oksana Matasova.


Bizdiń kanalymyzǵa jazylyńyz:

#Aqorda   #Týrızm  
Bólisińiz:

Avtor:

Aslan Ospanov

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT