+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

Aqmola oblysynda tolassyz qar jaýyp tur

2021 jylǵy 27 qyrkúıek 16:15
Bólisińiz:
Aqmola oblysynda tolassyz qar jaýyp tur

KÓKShETAÝ. QazAqparat – Aqmola oblysynyń birqatar aýdandaryndaǵy turǵyndar qardyń jaýǵanyn xabarlap, áleýmettik jeliler arqyly fotolarmen bólisip jatyr, dep xabarlaıdy QazAqparat tilshisi.

Uqsas jańalyqtar
Elimizde 6 oblys aýmaǵynda aýa raıyna baılanysty eskertý jarııalandy SQO-da kúnniń sýytýyna baılanysty polıtseıler kóktaıǵaq bolatynyn eskertti Aqmola oblysynda ormanda joǵalǵan erli-zaıyptylar izdestirilýde

«Makınski qalasynda alǵashqy qar tústi. Búgin túske qaraı bastalǵan qar áli tolassyz jaýyp tur. Osynyń saldarynan qalany qar basyp, turǵyndardyń júrip-turýy men kólik qatynasy qıyndady», - deıdi qala turǵyny Berlan Yrys.

Alǵashqy qar Zerendi jáne Býrabaı aýdandary aýmaǵynda da tústi. Qar erip, shalshyq bolǵan soń joldar men kóshelerde kólik keptelisteri paıda bolyp otyr. Munda da turǵyndar áleýmettik jelide alǵashqy qardyń sýretterimen bólisip jatyr. Tipti, keıbir óńirlerde qarly burqasyn bolyp tur.

Qazgıdromettiń boljamy boıynsha, óńirdiń basym bóliginde jaýyn-shashyn bolady.

«Búgin Makınskide qar aralas jańbyr bastaldy. Biraq qar kóp jatpaı erip ketedi. Túngi ýaqytta kóktaıǵaq bolýy múmkin», - dedi Aqmola oblysy boıynsha «Qazgıdromet» RMK meteojaǵdaı bóliminiń bastyǵy Danıel Jumajanov.

Sınoptıkter 29-30 qyrkúıekte túnde jaýyn-shashyn, kúndiz oblystyń soltústiginde, ońtústik-shyǵysynda jaýyn-shashyn (jańbyr, qar), kóktaıǵaq bolatyn eskertýde. Oblystyń soltústik-batysynda tuman túsedi. Soltústik-shyǵystan 9-14 m/s jyldamdyqpen jel soǵady, oblystyń soltústik-batysynda 15-20 m/s jetedi. Aýa temperatýrasy túnde 0-5 gradýs jyly, oblystyń batysynda 3 gradýs salqyn, kúndiz 2-7 gradýs jyly bolady.


Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT