+7 (701) 759 90 19
USD 405.69 EUR 455.51
RUB 5.72 CNY 57.42
Jańalyqtar

Aqmola oblysynda Táýelsizdik kúnine daıyndyq máselesi talqylandy

2019 jylǵy 9 jeltoqsan 18:13
Bólisińiz:
Aqmola oblysynda Táýelsizdik kúnine daıyndyq máselesi talqylandy

KÓKShETAÝ. QazAqparat - Aqmola oblysynyń ákimi Ermek Marjyqpaevtyń tóraǵalyǵymen apparattyq keńeste jerlerdi baqylaý men paıdalaný, óńirdegi qoǵamdyq-saıası ahýal, sondaı-aq, Táýelsizdik kúnin atap ótýge daıyndalý máseleleri qaraldy, dep habarlaıdy QazAqparat tilshisi ákimdiktiń baspasóz qyzmetine silteme jasap.

Jerdiń paıdalanylýy men qorǵalýyn baqylaý basqarmasynyń basshysy Erǵalı Shorın baıandap bergendeı, bıylǵy 11 aıda jeke jáne zańdy tulǵalardyń ótinishi boıynsha 411 tekseris júrgizildi, onyń barysynda jer zańnamasy normalaryn buýǵa qatysty 354 fakti, oblys boıynsha aýyl sharýashylyǵy jáne kommertsııalyq maqsattaǵy paıdalanylmaıtyn 1 683 jer telimi anyqtaldy.

Óńir basshysy salalyq basqarmaǵa jer zańnamasy salasynda aýdandardyń jergilikti atqarýshy organdarymen qabyldanǵan sheshimderdiń zańdylyǵyna turaqty baqylaýdy qamtamasyz etýdi tapsyrdy. Aýdandar men qalalardyń ákimderine tıisti sharalar qoldaný arqyly paıdalanylmaıtyn jerlerdi anyqtaý boıynsha jumys júrgizýdi tapsyrdy.

Óńirdegi qoǵamdyq-saıası ahýal týraly Aqmola oblysy Іshki saıasat basqarmasynyń basshysy Altynaı Ámirenova baıandady. Oblys ákimi memlekettik organdardyń aldyna halyq arasynda aqparattyq-túsindirý jumysyn, sonymen qatar BAQ pen áleýmettik jeliler arqyly uıymdastyrý arqyly azamattardyń kóńil-kúıi, sondaı-aq áleýmettik mańyzy bar ónimder baǵasynyń máselelerin, jalaqy boıynsha bereshegi bar birqatar kásiporyndardy erekshe baqylaýda ustaýdy tapsyrdy.

«Táýelsizdik kúnin atap ótýge is-sharalardyń tutastaı toptamasy qarastyryldy. Onyń ishinde – saltanatty jınalys, túrli qyzmet salalarynan el damýyna úles qosqan azamattardy marapattaý jáne qurmet kórsetý, jańa jobalardy tanystyrý, jármeńke-saýda-sattyq jáne basqalary.

Ermek Marjyqpaev merekelik is-sharalardy joǵarǵy uıymdastyrylǵan deńgeıde ótkizýdi tapsyrdy», dep atap ótti ákimdiktiń baspasóz qyzmetindegiler.

Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT