+7 (701) 759 90 19
USD 432.64 EUR 505.02
RUB 5.47 CNY 64.7
Jańalyqtar

Aqmola oblysynda sońǵy bes jylda tórt balalar úıi jabyldy

2020 jylǵy 20 qyrkúıek 21:54
Bólisińiz:
Aqmola oblysynda sońǵy bes jylda tórt balalar úıi jabyldy

NUR-SULTAN. QazAqparat - Aqmola oblysynda sońǵy bes jylda tórt balalar úıi jabyldy. Óıtkeni sábıdi jetimder úıiniń bosaǵasynda telmirtpeı, qamqorlyqqa alatyndar kóbeıgen, dep jazady «Habar 24».

Uqsas jańalyqtar

Qazir bul aımaqta ata-anasyz qalǵan 1500-den astam jetkinshektiń 88% meıirimdi jandardyń qolynda. Degenmen, bul, jetimder máselesi sheshildi degendi bildirmeıdi. Úlken ómirge qadam basqan jastardyń aldynan talaı qıyndyq shyǵady.

Óńirde birneshe balalar úıi qysqarǵanymen, aımaqta taǵy osyndaı 4 mekeme qalyp otyr. Olarda ata-anasynyń qamqorlyǵynsyz qalǵan 200-ge jýyq bala tárbıelenýde. Oblys ortalyǵynda ótken jıynda sala mamandary men áleýmettik mekemelerdiń basshylary jastaıynan jetim ósip kele jatqan jandardy qoǵamǵa beıimdeý máselesin talqylady. Biri: «Olardy sport pen bilimge qushtar etip ósirý kerek», – dese, endi biri: «Qolóner men eńbekke baýlý qajet», – deıdi.

«Bizde balalar aǵash óńdeý isin, pishý jáne tigin ónerin meńgerip jatyr. Sondaı-aq mekemede áleýmettik-turmystyq baǵyttaý kabıneti bar. Onda tárbıelenýshiler qarapaıym ómirde qajetti dúnıelerdi úırenedi. Bizden shyǵyp, kolledj oqyp, ózimizge qaıta kelgen balalar da bar. Qazir sondaı 3 túlegimiz qatarymyzda qyzmet etip júr», - deıdi Ýrıýpınka aýylyndaǵy mektep-ınternat arnaıy kesheniniń dırektory ıÝlııa Aldajarova.

Balalar úıiniń tárbıelenýshileri tamaqtan jáne basqa da qajettilikterden kem bop jatqan joq. «Basty másele – olardyń erteń ortaǵa sińisip ketýine barynsha jaǵdaı jasaý», – deıdi mamandar. ıAǵnı óz kúnin ózi kóre alatyndaı dárejege jetkizý. Al ol úshin qolda bar múmkindikterdiń bárin qoldaný qajet. Patrıottyq tárbıeni de umytpaǵan jón.

«Memleket tarapynan barlyq kómek kórsetilip jatyr. Eń bastysy, osy balalarǵa tárbıe máselesin erekshe nazarda ustaý kerek. Durys tárbıe berý qajet. Barlyǵy memlekettiń qaraýyndaǵy mekeme bolǵannan keıin memlekettik tilde oqytý máselesin qarastyrý basty orynda tur», - deıdi oblystyq Bilim basqarmasy basshysynyń orynbasary Botagóz Dúısenova.

Al balalar úıinen túlep ushyp, úlken ómirge qadam basqan jasóspirimder úshin eń basty problemalardyń biri – baspanaly bolý. Ókinishke qaraı, sandar kóńil kónshitpeıdi. Sońǵy bes jyldyń ishinde nebári 300 balaǵa páter berilgen. Al kezekte áli osy sanattaǵy 4 myńnan astam adam tur.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT