FÝTBOLDAN ÁLEM ChEMPIONATY-2022
  Jańalyqtar  >

Aqmola oblysynda sibir eligin atyp alǵan brakonerler ustaldy

2022 jylǵy 3 qazan, 18:28
Aqmola oblysynda sibir eligin atyp alǵan brakonerler ustaldy

KÓKShETAÝ. QazAqparat – Aqmola oblysynda brakonerler memlekettik qoryq aýmaǵynda sibir eligin atyp alǵan, dep habarlaıdy QazAqparat tilshisi.

Oblystyq polıtsııa departamenti baspasóz qyzmetiniń málimetinshe, oqıǵa qyrkúıektiń 30-ynda bolǵan. Zerendi aýdandyq polıtsııa bólimine «Kókshetaý» memlekettik ulttyq tabıǵı parkiniń qyzmetkerlerinen «Ormandy bulaq» aýmaǵynda brakonerler ustalǵandyǵy týraly aqparat túsken.

«Anyqtalǵandaı, «ÝAZ» kóliginiń ishinde júrgizýshi men úsh jolaýshysy boldy. Tekserý kezinde kóliktiń ishinen sibir eliginiń ushasy jáne 2 myltyq tabyldy. Osyǵan baılanysty Qylmystyq kodekstiń 337-baby 1 bóligi boıynsha is qozǵaldy. Sonymen birge, tirkelmegen qarýdy zańsyz saqtaý boıynsha tergeý amaldary júrgizile bastady», - dedi vedomstvodan.

Aıta ketsek, Atbasarda ańshy jigit balyq aýlap otyrǵan adamǵa oq atqan edi.


Tegı:
Uqsas jańalyqtar
Seriktester jańalyqtary

Jańalyqtar