Aqmola oblysynda shyǵarylatyn mıneraldy maqtaǵa shetelden suranys artty
2021 jylǵy 23 sáýir 10:20

Aqmola oblysynda shyǵarylatyn mıneraldy maqtaǵa shetelden suranys artty

KÓKShETAÝ. QazAqparat - Aqmola oblysynda tehnologııalyq qurylys materıaldarynyń óndirisi artyp keledi. Úlken suranys energııa únemdeıtin tehnologııalarǵa baǵyt alýyna jáne «jasyl» ekonomıkaǵa birtindep kóshýine baılanysty, dep habarlaıdy QazAqparat tilshisi oblystyq ishki saıasat basqarmasyna silteme jasap.

Vedomstvonyń málimetinshe, óńirde osyndaı jobalardy júzege asyrýda úlken tájirıbe bar. Ereımentaý jáne Tselınograd aýdanynda jel elektr stansalaryn salý boıynsha birneshe ınvestıtsııalyq joba júzege asyryldy. Arshaly aýdanynda qýattylyǵy 100 MVt bolatyn iri joba júzege asyrylyp keledi.

Al Makınsk qalasynda memlekettik qoldaýdyń arqasynda mıneraldy maqta, tehnologııalyq ónim shyǵaratyn zaýyt jumysyn qaıta bastady, oǵan ishki naryqta ǵana emes, shetelden de suranys artyp keledi.

«Biz óz ónimimizdi negizinen Qazaqstannyń óńirlerine jetkizemiz. Sońǵy kezderi Orta Azııa elderine, ıaǵnı Qyrǵyzstan, Ózbekstan jáne basqa elderge ónim eksporttaý boıynsha jumystar júrgizilýde», - dep atap ótti kásiporynnyń bas dırektory Manatbek Baqtybaev.

Kásiporyn basshysynyń aıtýynsha, zaýytta 170-ke jýyq adam eńbek etedi. Jumysshylardyń kópshiligi jergilikti turǵyndar. Bul kezeńde óndiristik qýaty aıyna eki myń tonna daıyn ónimdi quraıdy, keıinnen úsh myń tonnaǵa deıin ulǵaıtylady.


Jańalyqtar

MURAǴAT