+7 (701) 759 90 19
USD 377.09 EUR 407.37
RUB 5.93 CNY 53.95
Jańalyqtar

Aqmola oblysynda reseılik áıel qutqarýshylar kóliginde bosandy

2020 jylǵy 27 qańtar 18:54
Bólisińiz:
Aqmola oblysynda reseılik áıel qutqarýshylar kóliginde bosandy

KÓKShETAÝ. QazAqparat – Aqmola oblysynda Reseı Federatsııasynyń azamatshasy qutqarýshylar kóliginde bosandy. Eleń etkizer jaǵdaı Astrahan aýdany aýmaǵynda «Almaty-Ekaterınbýrg» tasjolynyń boıynda bolǵan, dep habarlaıdy QazAqparat tilshisi oblystyq TJD baspasóz qyzmetine silteme jasap.

«Qańtardyń 26-da saǵat 18:20 shamasynda jedel járdem kóliginiń qarǵa batyp qalǵany týraly aqparat tústi. Kólikte júkti kelinshek boldy. Jedel járdem kóligi Petrovka aýylyna baryp, keıin Astrahan aýylyna qaıtyp kele jatqan. Jolda eki fýra batyp qalǵandyqtan jedel járdem kóligi toqtaýǵa májbúr boldy. Ol azdaı aqtútek borannan jol kórinbedi», - dedi №19 órt sóndirý bólimi bastyǵynyń orynbasary Erbol Smaıylov.

TJD baspasóz qyzmetiniń málimetinshe, oqıǵa ornyna dereý №19 órt sóndirý bóliminiń kezekshileri attanyp, 23 jastaǵy júkti kelinshekti evakýatsııalady. Alaıda, Astrahan aýdandyq perzenthanasyna jetpeı, aıaǵy aýyr áıeldi órt sóndirý kóliginiń ishinde felsher bosandyryp aldy. Qazirgi kezde náreste men anasynyń jaǵdaıy jaqsy. Olar Astrahan aýdandyq perzenthanasynda.

Belgili bolǵandaı, ekstremaldy jaǵdaıda bosanǵan kelinshek Reseı azamatshasy jáne jańa týǵan náreste - onyń tuńǵyshy.

«Bul - sońǵy bes kúnde TJD qyzmetkerleri qutqaryp otyrǵan tórtinshi júkti áıel. Dál qazir qutqarýshylar men medıkter arnaıy tehnıkanyń kómegimen Býrabaı aýdanyndaǵy aýyldan tolǵaǵy jetip otyrǵan taǵy bir áıeldi qutqarýda», - dep tolyqtyrdy vedomstvodan.



Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT