+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Aqmola oblysynda Otan qorǵaýshylar kúnine arnalǵan is-sharalar ótti

2021 jylǵy 6 mamyr 11:43
Bólisińiz:
Aqmola oblysynda Otan qorǵaýshylar kúnine arnalǵan is-sharalar ótti

KÓKShETAÝ. QazAqparat - Óńirde Otan qorǵaýshylar kúni qarsańynda birqatar merekelik is-sharalar ótti, dep habarlaıdy QazAqparat ishki saıasat basqarmasynyń baspasóz qyzmetine silteme jasap.

Uqsas jańalyqtar
Petropavl áskerı ınstıtýtyn bıyl Tájikstan, Qyrǵyzstan azamattary da bitirip shyqty Aqmola oblysynda mektep túlekteri dárigerler otbasymen kezdesti 19 maýsym – Áýe shabýylyna qarsy qorǵanys áskerleriniń qurylǵan kúni

Іs-shara Kókshetaý qalasynyń mektep oqýshylaryn «Jas Ulan» respýblıkalyq balalar-jasóspirimder uıymynyń qataryna qabyldaýdan bastaldy. Aqmola oblystyq tarıhı-ólketaný murajaıynda ótken sharaǵa aımaq basshysy Ermek Marjyqpaev qatysyp, quttyqtaý sóz sóıledi.

Sonymen birge, aımaq basshysynyń áskerı qyzmetshi áıeldermen jáne quqyq qorǵaý organdarynyń qyzmetkerlerimen kezdesýi de mazmundy ótti. Ermek Marjyqpaev óziniń quttyqtaý sózinde názik jandardy quttyqtaı otyryp, olardyń adal, qoǵamdyq mańyzdy eńbegi úshin alǵys bildirdi.

«Táýelsizdiktiń otyz jylynda Qazaqstannyń Qarýly kúshteri men quqyq qorǵaý júıesin damytý boıynsha úlken jumys atqaryldy. Qazirgi zamanǵy áskerı jáne quqyq qorǵaý salalaryn áıeldiń qatysýynsyz elestetý múmkin emes. Áıelder kásipteri tek kadrlyq jumysta, keńse jumysynda ǵana emes, sonymen qatar tergeý, anyqtaý, krımınalıstıka jáne jedel jumysta da qajet. Qarapaıym mamandyqty tańdaı otyryp, sizder týǵan ólkege degen shynaıy súıispenshilikti jáne naǵyz patrıotızmdi kórsetesizder», - dep atap ótti oblys ákimi.

Budan ári, óńir basshysy saltanatty qabyldaýǵa qatysty, onyń sheńberinde QR Qorǵanys mınıstrliginiń vedomstvolyq nagradalarymen jáne oblystyń áleýetti vedomstvolarynyń qyzmetkerlerin alǵys hattarymen marapattaý rásimi ótti.

«Otan qorǵaýshylar kúni Jeńis kúnin merekeleýmen baılanysty jáne bul kezdeısoq emes, óıtkeni bizdiń atalarymyzdyń, baýyrlarymyzdyń jáne áriptesterimizdiń Otan aldyndaǵy eńbegin moıyndaýymyz kerek. Bul bizdiń halqymyz uly jetistikterge qabiletti ekenin taǵy bir eske salady. Búgin biz elimizdiń ıgiligi úshin qyzmet etetinderdiń barlyǵyna jáne qoǵamdyq tártipti, adamdardyń qaýipsizdigi men quqyqtaryn qorǵaý jónindegi mıssııany óz moınyna alyp, zańnyń qorǵaýynda júrgenderge qurmet kórsetemiz jáne alǵys aıtamyz», - dep atap ótti oblys ákimi óziniń quttyqtaý sózinde.

Mereke sońynda Ermek Marjyqpaev 5510 áskerı bóliminde bolyp, áskerı qyzmetshilerdi aldaǵy merekemen quttyqtady. Shara barysynda kásibıligi men minsiz qyzmeti úshin oblys ákiminiń alǵys hattarymen jáne estelik syılyqtarmen 15 áskerı qyzmetshi marapattaldy.


Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janat Qapalbaeva
Janat Qapalbaeva
954-059

MURAǴAT