+7 (701) 759 90 19
USD 432.64 EUR 505.02
RUB 5.47 CNY 64.7
Jańalyqtar

Aqmola oblysynda muqtaj oqýshylarǵa 23 myń kompıýter úlestiriledi

2020 jylǵy 1 qazan 21:36
Bólisińiz:
Aqmola oblysynda muqtaj oqýshylarǵa 23 myń kompıýter úlestiriledi

KÓKShETAÝ. QazAqparat - Aqmola oblysynyń qoǵam belsendileri muqtaj oqýshylarǵa 23 myń kompıýterdi úılestirýdi baqylaýǵa aldy, dep habarlaıdy QazAqparat tilshisi Aqmola oblysy boıynsha Sybaılas jemqorlyqqa qarsy is-qımyl departamentiniń baspasóz qyzmetine silteme jasap.

Uqsas jańalyqtar
«Oqýǵa qushtar mektep»: Bes jylda mektep kitaphanalaryndaǵy ádebıet jańartylady Úkimetten sapaly bilimdi talap ete bilýimiz kerek - Erbolat Muhamedjan Jańa mamandyqtar atlasy 90% daıyn – Saıasat Nurbek

Vedomstvonyń málimetinshe, buǵan deıin Memleket basshysynyń tapsyrmasyn iske asyrý aıasynda óńirdegi oqýshylaryn qashyqtyqtan oqytýdy uıymdastyrý úshin oblystyq bilim basqarmasyna 23 myń birlik derbes kompıýterler, noýtbýkter men planshetter satyp alýǵa 3,5 mıllıard teńgeden astam qarajy bólingen. Kompıýterlik tehnıkany memlekettik satyp alýdyń obektıvtiligi men ashyqtyǵyn qamtamasyz etý maqsatynda arnaıy komıssııa quryldy, oǵan departament qyzmetkerleri men «Aqmola – adaldyq alańy» jobalyq keńsesiniń mamandary endi.

«Komıssııanyń ýaqytyly jáne tıisti jumysynyń arqasynda bólingen bıýdjet qarajatynyń 20 paıyzy, ıaǵnı 600 mıllıon teńgeden astamy únemdeldi. Bul qosymsha kompıýter jabdyqtaryn satyp alýǵa jáne muqtaj oqýshylardy qamtamasyz etýge múmkindik beredi. Jaqynda ǵana biz qoǵam ókilderimen birlesip, qalalyq bilim bólimine 200-ge jýyq dana kompıýterdiń birinshi partııasyn alýǵa qatysty», - deıdi Aqmola oblysy boıynsha Sybaılas jemqorlyqqa qarsy is-qımyl departamentiniń basshysy Murat Tóleýbaev.

Aıta ketý kerek, kompıýterlik tehnıka qashyqtyqtan oqytý kezinde áleýmettik osal otbasylardan shyqqan balalarǵa ýaqytsha paıdalanýǵa berýge arnalǵan.

«Budan ári qandaı da bir yqtımal sybaılas jemqorlyq táýekelderin boldyrmaý maqsatynda mektep oqýshylary arasynda kelip túsetin kompıýterlik tehnıkanyń maqsatty bólinýine monıtorıng júrgiziletin bolady. Bul másele Antıkordyń da, jurtshylyq ókilderiniń de baqylaýyna alyndy», - dep atap ótti vedomstvo basshysy.


Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT