+7 (701) 759 90 19
USD 439.01 EUR 474.61
RUB 5.75 CNY 61.91
Jańalyqtar

Aqmola oblysynda marganets zaýyty salyna ma

2019 jylǵy 6 qarasha 17:12
Bólisińiz:
Aqmola oblysynda marganets zaýyty salyna ma

KÓKShETAÝ. QazAqparat – Aqmola oblysy Jaqsy aýdanynyń turǵyndary men aýdan ortalyǵynda marganets zaýytyn salýdy josparlap otyrǵan «TKS Jaqsylyq» JShS ókilderi bir bitimge kele almaı otyr. Turǵyndar mundaı kásiporynnyń paıdasynan góri qorshaǵan orta men adamdardyń densaýlyǵyna zııany kóp dep esepteıdi. QazAqparat tilshisi osy máseleniń anyq-qanyǵyna kóz júgirtip kórdi.

Uqsas jańalyqtar

«Kompanııa ókili retinde ekologııalyq saraptama júrgizýdi ótindim. Shyn máninde qorshaǵan ortaǵa eshqandaı ekologııalyq zııany joq. Múmkin keıin bolatyn shyǵar. Biraq, onyń ózi ekitalaı. Óıtkeni, barlyq jumystar buryn osyndaı kásiporynda jumys istegen mamandarmen keńese otyryp, qolǵa alyndy. Ózimniń mamandyǵym - hımık. Biz jobany tolyq ákimdikke tapsyrdyq. Jobada barlyǵy kórsetilgen», - dep túsindirdi QazAqparat tilshisine «TKS Jaqsylyq» JShS ókili Ánýar Hamıt.

Onyń sózinshe, marganetstiń adam ómirine qaýipi ekeni ras. Biraq tek táýliktik dozasy 40 promıll nemese odan asyp ketse ǵana. Alaıda, keleshekte kásiporynda ondaı doza bolmaıdy.

«Birinshiden bizde taza kúıinde óndiriledi, onyń paıyzdyq mólsheri bir - tonna rýdaǵa 14 paıyzdan ǵana keledi. Buǵan qosa, biz qaıta óńdemeımiz de. Óndirip, usatyp fraktsııa kúıinde zaýytqa jóneltemiz. Osy rette eshqandaı hımıkattar qoldanylmaıdy», - dep túsindirdi Á.Hamıt.

Kompanııa ókili atap ótkendeı, atalmysh zaýytty salýǵa qarsylyq bildirip otyrǵandar - jumysy bar, jalaqysy jaqsy turǵyndar.

«Olardyń eshqandaı problemasy joq, olar ózgeristi qajet etpeıdi. Men ınvestıtsııanyń kelýine qarsy shyǵatyn adamdardy túsinbeımin. Kásiporyn joq degende 200 adamnyń orta eseppen aıyna 150 myń teńge jalaqy alýyna múmkindik beredi. Bul degenimiz - aılyq eńbekaqy qory shamamen 30 mıllıon teńge degen sóz», - deıdi ol.

Osy oraıda, Jaqsy aýdanynyń ákimi Baýyrjan Malǵajdarov ta bul máseleden tys qalǵan joq, oryn alǵan jaǵdaıǵa baılanysty túsinikteme berdi.

«Zańmen bekitilgen protsedýra bar. Olar bizge jer telimin berý týraly ótinish bildirdi. Ákimdiktiń buǵan esh qarsylyǵy joq. Tek barlyq jaǵdaıda ustanatyn tıisti protsedýra bar. Osy protsedýra arqyly olardyń jer telimin suraǵan ótinishi bar. Búgingi kúni jer komıssııasy olarǵa jer telimin berýden bas tartatyny týraly sheshim shyǵardy. Ákimdik jer komıssııasynyń sheshimi negizinde qaýly shyǵardy. Bul - resmı ustanym», - dep jaýap berdi aýdan ákimi QazAqparat tilshisiniń saýalyna.

Sonymen qatar, aýdan ákimi atalmysh másele jer komıssııasynda qoǵam ókilderiniń qatysýymen qaralǵanyn atap ótti.

«Búgingi kúni aýdan turǵyndary oblystyq prokýratýraǵa aryz joldady, ázirge másele sheshimin tapqan joq», - dep tolyqtyrdy B.Malǵajdarov.

Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT