Aqmola oblysynda qurylysshy toqqa túsip kóz jumdy
2022 jylǵy 21 maýsym 16:15

Aqmola oblysynda qurylysshy toqqa túsip kóz jumdy

KÓKShETAÝ. QazAqparat - Aqmola oblysynda qurylysshy toqqa túsip kóz jumdy, dep habarlaıdy QazAqparat tilshisi.

Oblystyq Polıtsııa departamenti baspasóz qyzmetiniń málimetinshe, maýsymnyń 20-synda Esil aýdandyq PB kezekshi bólimine jedel járdem stantsııasynyń feldsheri habarlasyp, jańadan salynyp jatqan nysandardyń birinde jumysshyny toq soǵyp, kóz jumǵanyn aıtty.

«Anyqtalǵandaı, kóz jumǵan adam Kókshetaý qalasynyń 33 jastaǵy turǵyny. Esil qalasynda qurylysta jumys istegen. Ony beton aralastyrǵysh mashınany tazalaý kezinde toq soqqan», - dedi vedomstvodan.

Polıtsııa departamentiniń baspasóz qyzmetinen atap ótkendeı, qazirgi kezde, osy oqıǵaǵa baılanysty Qylmystyq kodekstiń 156-babynyń 3-bóligi «qaýipsizdik tehnıkasy erejelerin buzý» boıynsha sotqa deıingi tergeý amaldary qolǵa alyndy. Sot-medıtsınalyq saraptama taǵaıyndaldy.

Aıta ketsek, budan buryn Aqmola oblysynda ústine «Bıg beg» qaby qulaǵan jumysshy kóz jumǵanyn jazǵan bolatynbyz.



Uqsas jańalyqtar
Seriktester jańalyqtary

Jańalyqtar

Úrdis

MURAǴAT