+7 (701) 759 90 19
USD 397.56 EUR 445.94
RUB 5.82 CNY 55.96
Jańalyqtar

Aqmola oblysynda kolledj dırektory jalǵan 57 stýdentke shákirtaqy tólep kelgen

2020 jylǵy 4 sáýir 20:56
Bólisińiz:
Aqmola oblysynda kolledj dırektory jalǵan 57 stýdentke shákirtaqy tólep kelgen

KÓKShETAÝ. QazAqparat - QR Sybaılas jemqorlyqqa qarsy is-qımyl agenttigi Aqmola oblysy boıynsha departamentiniń basshysy Murat Tóleýbaev bilim berý salasynyń qyzmetkerlerimen beınekonferentsııa ótkizdi, dep habarlaıdy QazAqparat tilshisi vedomstvonyń baspasóz qyzmetine silteme jasap.

Beınekonferentsııada QR QPK (qylmystyq-protsessýaldyq kodeks) 200-baby tártibinde engizilgen qylmystyq quqyq buzýshylyq jasaýǵa jáne basqa da zań buzýshylyqtarǵa yqpal etetin jaǵdaılardy joıý týraly usynym qarastyryldy.

Osy rette, Murat Tóleýbaev bilim berý júıesiniń mekemeleri bilim berý úrdisin uıymdastyrý arqyly jastar arasynda sybaılas jemqorlyqqa múldem tózbeýshilik qaǵıdatyn qalyptastyrý kerektigin atap ótti. Onyń sózinshe, elimizdegi men álemdegi kúrdeli ekonomıkalyq jaǵdaılarǵa qaramastan Memleket basshysy memlekettik basqarýdyń ózge de salalary arasynda bilim berý júıesin damytýǵa basymdyq beredi. Bul salaǵa árqashan bıýdjet qarajaty úlken mólsherde bólinedi.

Beınekonferentsııada aıtylǵandaı, sotqa deıingi tergeý amaldary barysynda Aqmola oblystyq bilim basqarmasy janyndaǵy Agrotehnıkalyq kolledjdiń dırektory ózine jáne basqa adamdarǵa paıda men artyqshylyqtar alý maqsatynda osy kolledjde oqymaǵan jáne sabaqqa múldem qatyspaǵan 57 stýdentke shákirtaqy tólep kelgeni anyqtaldy. Osy arqyly memleketke 4 mıllıon teńgeden astam shyǵyn keltirilgen.

«Kórsetilgen jaǵdaılar QR «Sybaılas jemqorlyqqa qarsy is-qımyl týraly» zańynyń, bıýdjettik zańnamanyń, kolledj qyzmetin retteıtin normatıvtik-quqyqtyq aktilerdiń talaptaryn buzýǵa, sondaı-aq joǵary turǵan basshylyq tarapynan tıisti baqylaýdyń bolmaýyna baılanysty múmkin boldy.

Osyǵan uqsas zań buzýshylyqtarǵa jol bermeý úshin Sybaılas jemqorlyqqa qarsy qyzmet vedomstvoǵa qarasty mekemelerdiń jumysyna, atap aıtqanda, qarjylyq jáne ákimshilik-sharýashylyq qyzmetine baqylaýdy kúsheıtýdi usynyldy.

Sonymen qatar, oblystyń sybaılas jemqorlyqqa qarsy vedomstvosynyń basshysy bilim berý júıesiniń qyzmetkerlerin sybaılas jemqorlyqqa qarsy júrgizilip jatqan saıasatqa adal bolýǵa jáne ony balalarǵa durys jetkizýge, sondaı-aq, jas urpaqty adamı qundylyqtarǵa úıretýge jáne elikteýge laıyqty úlgi bolýǵa shaqyrdy», - deıdi vedomstvodan.

Aıta ketý kerek, sybaılas jemqorlyqqa qarsy mádenıetti qalyptastyrý, qoǵamdyq baqylaý ınstıtýtyn damytý, sondaı-aq sybaılas jemqorlyqty týdyratyn sebepter men jaǵdaılardy joıý sybaılas jemqorlyqqa qarsy qyzmettiń negizgi basymdyǵy bolyp tabylady.

Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT