+7 (701) 759 90 19
USD 425.07 EUR 494.14
RUB 6.06 CNY 66.55
Jańalyqtar

Aqmola oblysynda Qajymuqan Muńaıtpasovtyń 150 jyldyǵyna arnalǵan konferentsııa ótti

2021 jylǵy 15 qyrkúıek 21:11
Bólisińiz:
Aqmola oblysynda Qajymuqan Muńaıtpasovtyń 150 jyldyǵyna arnalǵan konferentsııa ótti

KÓKShETAÝ. QazAqparat - QR Táýelsizdiginiń 30 jyldyǵy sheńberinde Aqmola oblysynda Qajymuqan Muńaıtpasovtyń 150 jyldyǵyna arnalǵan «Qazaqty álemge tanytqan Qajymuqan» taqyrybymen halyqaralyq ǵylymı-praktıkalyq onlaın konferentsııa ótti, dep habarlaıdy QazAqparat tilshisi oblystyq ishki saıasat basqarmasyna silteme jasap.

Uqsas jańalyqtar
Qazaqstandyq tennısshilerdiń álemdik reıtıngilerdegi orny Aqmola oblysynda aýyl eńbekkerleri marapattaldy Bokstan álem chempıonaty: Abylaıhan Júsipov taıpeılik qarsylasyn qapy qaldyrdy

Konferentsııada Aqmola oblysy ishki saıasat basqarmasy basshysynyń orynbasary Narıman Ábdrahmanov quttyqtaý sóz sóıledi.

«El Táýelsizdiginiń mereıtoılyq jylynda biz uly jerlesimiz, aty ańyzǵa aınalǵan qazaq balýany Qajymuqannyń 150 jyldyǵyn atap ótýdemiz. Kúsh atasy ózin ǵana emes, óz halqyn da halyqaralyq arenada dáriptedi. Ol álemniń 54 elinde ótken jarystarǵa qatysyp, 48 medal jeńip aldy. Ataqty balýannyń bul jetistikteri elimizdegi sporttyń damýyna, salaýatty ómir saltyn nasıhattaýǵa jáne jastardy sportpen shuǵyldanýǵa tartýǵa áser etkeni sózsiz», - dep atap ótti ol.

Qajymuqan Muńaıtpasovtyń ómiri men qyzmetiniń ulttyq sport pen mádenıetti damytýǵa áseri, onyń qazaq kúres mektebiniń qalyptasýyna qosqan úlesi týraly ǵalymdar, qoǵam qaıratkerleri, Túrkııa, Qytaı, Mońǵolııa, Qazaqstan sportshylary, Dúnıejúzi qazaqtary qaýymdastyǵynyń, «Otandastar qory» kommertsııalyq emes aktsıonerlik qoǵamy ókilderi baıandama jasady.

Oblysta ataqty balýannyń mereıtoıyna oraı birqatar is-sharalar ótkizildi. Sáýir aıynda Tselınograd aýdany Qajymuqan aýylynda «Jahandyq kúsh ıesi-Qajymuqan»atty onlaın -konferentsııa ótti. Іs-shara aıasynda «Álemdi bileginde oınatqan balýan» kórmesi uıymdastyryldy, onda Túrkistan oblysyndaǵy attas sport murajaıynan jetkizilgen balýannyń jeke zattary usynyldy, sondaı-aq Aqmola oblysy balýandarynyń qatysýymen sporttyq qoıylym ótti.

Óńirde dańqty jerlesimizdiń esimi 12 kóshege, eldi mekenge, sondaı-aq 700-den astam bala bilim alatyn №3 olımpıadalyq rezervtiń oblystyq mamandandyrylǵan balalar-jasóspirimder mektebine berildi. Tselınograd aýdany men Stepnogorde balýan eskertkishteri, attas aýylda memorıaldyq taqta ornatyldy.


Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059

MURAǴAT