Aqmola oblysynda qarǵa batqan kólikter jol apatyna sebepker boldy

KÓKShETAÝ. QazAqparat - Aqmola oblystyq PD patrýldik polıtsııa batalonynyń qyzmetkerleri 500-den astam kólik kolonnasyn Nur-Sultan qalasyna deıin jetýine jáne ol jaqtan keıin qaıtýyna qamtamasyz etti, dep habarlaıdy QazAqparat tilshisi vedomstvonyń baspasóz qyzmetine silteme jasap.

Uqsas jańalyqtar

ShQO-da qar qursaýynda qalǵan 8 adam qutqaryldy

Qazgıdromet: Qazaqstannyń soltústiginde 40 gradýs aıaz bolady Túrkistan oblysynda oblystyq mańyzy bar birqatar joldar jabyldy Qyzylordada qalyń qar jaýyp, kólik qozǵalysyna shekteý qoıyldy

«Aýa raıynyń kúrt buzylýy: qardyń jaýýy, aq tútek boranǵa baılanysty patrýldik polıtsııa kúsheıtilgen rejımde jumys isteýde. Oblystaǵy avtomobıl joldarynda ekstremaldy jaǵdaı týyndap otyr. Óńir polıtseıleri jol-kólik oqıǵasyn boldyrmaý jáne jol qozǵalysyna qatysýshylardyń qaýipsizdigin qamtamasyz etý baǵytynda shuǵyl sharalardy qoldanýda», - deıdi PD baspasóz qyzmetindegiler.

Vedomstvonyń málimetinshe, joldardyń jabylǵandyǵy týraly aldyn ala birneshe ret eskertý jasalǵanymen kólik júrgizýshileri jolǵa shyǵyp, qar qursaýynda qalýda.

«Qańtardyń 26-da patrýldik polıtsııa batalonynyń birneshe ekıpajy men qar tazalaıtyn kólikter «Nur-Sultan-Petropavl« tasjolynyń boıynda 250 kóliktiń elordaǵa jetýin jáne ol jaqtan 300 kólik quralynyń Kókshetaýǵa jetýin qamtamasyz etti. Saǵat 17:00 shamasynda atalmysh joldyń boıynda, Makınsk qalasy tusynda kólikterdiń biriniń júrgizýshisi rólge ıe bola almaı qarǵa kirip ketti. Oǵan artynda kele jatqan 8 kólik soǵyldy. Jol apaty saldarynan 8 avtokólikke zalal keldi. Bir jolaýshy dene jaraqatymen Bulandy aýdandyq aýrýhanasyna jatqyzyldy»,- dep tolyqtyrdy vedomstvodan.

Aqmola oblysynyń polıtseıleri aýa raıyna baılanysty barlyq baǵyttaǵy joldardyń jabylǵandyǵyn jáne júrgizýshilerge óz erikterimen eldi-mekennen tysqary shyqpaýǵa shaqyrady.

Illıýstratsııalyq foto