Aqmola oblysynda qar qursaýynda qalǵan 6 jolaýshy qutqaryldy
2021 jylǵy 29 qarasha 21:10

Aqmola oblysynda qar qursaýynda qalǵan 6 jolaýshy qutqaryldy

KÓKShETAÝ. QazAqparat - Tselınograd aýdanynyń Aqmol aýylynda qar qursaýynda qalǵan 6 adam qutqaryldy, onyń úsheýi - bala, dep habarlaıdy QazAqparat tilshisi Aqmola oblysy TJD baspasóz qyzmetine silteme jasap.

Vedomstvonyń málimetinshe, ótken demalys kúnderi qatty jel soǵyp, qalyń qar jaýǵan.

Saldarynan Mortyq aýylynyń baǵyty boıynsha Jańaesil aýylynan 4 shaqyrym jerde «Volkswagen Polo» markaly jeńil avtokóligi qar qursaýynda qalyp qoıǵan.

«Avtokólikte bolǵan 6 adam (onyń úsheýi - bala) TJD qyzmetkerleriniń jedel kómeginiń arqasynda Mortyq aýylyna evakýatsııalandy», - dedi vedomstvodan.

Osy rette Aqmola oblystyq tótenshe jaǵdaılar departamentiniń qyzmetkerleri óńir turǵyndaryna osyndaı tótenshe jaǵdaılardy boldyrmaý alý úshin daýyldy eskertý alǵan kezde alys jolǵa barýdan jáne eldi mekenderden uzap ketpeý kerektigin eskertedi.

Eger osyndaı jaǵdaıǵa tap bolǵan kezde kóliktiń apatty belgilerin qosýdy jáne «112» qutqarý qyzmetine dereý habarlaýdy suraıdy.


Seriktester jańalyqtary

Jańalyqtar

Úrdis

MURAǴAT