+7 (701) 759 90 19
USD 389.98 EUR 434.01
RUB 6.10 CNY 55.04
Jańalyqtar

Aqmola oblysynda egistik alqaptardyń elektrondy kartasy jasalýda

2019 jylǵy 6 maýsym 22:40
Bólisińiz:
Aqmola oblysynda egistik alqaptardyń elektrondy kartasy jasalýda

KÓKShETAÝ. QazAqparat - Aqmola oblysynda Qoldau.kz veb-portalynda egistik alqaptardyń elektrondy kartasyn qalyptastyrý boıynsha jumystar jalǵasýda, dep habarlaıdy QazAqparat tilshisi.

Aqmola oblys ákiminiń orynbasary Marat Iǵalıevtiń aıtýynsha, aýyl sharýashylyǵy salasynda qazirgi zamanǵy tsıfrly tehnologııalardy engizý jumystaryn shıratý boıynsha Aqmola oblysy ákimdigi men S.Seıfýllın atyndaǵy Qazaq agrotehnıkalyq ýnıversıtetiniń arasynda óńirdiń agroónerkásip keshenin ǵylymı jáne ınnovatsııalyq damytý týraly áriptestik jónindegi memorandýmǵa qol qoıyldy.

«Óńirdiń agroónerkásip salasyn damytýda óndiriske naqtyly eginshilik júıesin engizý tıimdi baǵyt bolyp sanalady. Naqtyly eginshilik topyraqty tereń zertteýge jáne taldaýǵa negizdeledi, sondaı-aq, bul júıeniń ereksheligi árbir jer telimine naqtyly qaraýǵa múmkindik beredi», deıdi M.Iǵalıev.

Aıtalyq, oblys boıynsha búgingi tańda 3221 jer paıdalanýshy jalpy kólemi 5 mıllıon 877 myń gektarda nemese barlyq egis alqabynyń 98,9 paıyzynda tsıfrlandyrý júrgizdi.

«Al, ósimdik sharýashylyǵyn tsıfrlandyrýda naqtyly eginshilik júıesin engizý boıynsha negizgi 3 kásiporyn anyqtaldy. Bulardyń qatarynda Tselınograd aýdanyndaǵy «Aqmola Fenıks», Zerendi aýdanyndaǵy «Dıhan plıýs» jáne Bulandy aýdanyndaǵy «Jýravlevka-1» seriktestikteri bar. Bul sharýashylyqtar óndiriste naqtyly eginshilik júıesiniń barlyq elemetterin engizýde. Osynyń arqasynda 2017 jylmen salystyrǵanda naqtyly eginshilik elemetteri engizilgen alqaptarda ótken jyly mol ónim alyndy», - deıdi M.Iǵalıev.

Qolǵa alynǵan sharalardyń nátıjesinde osy kúni oblysta 95 sharýashylyq aýyl sharýashylyǵy óndirisinde naqtyly eginshilik elementteri men tsıfrly tehnologııany sátti qoldanýda.

«Jalpy, 2022 jylǵa deıin oblysta naqtyly eginshilik elemetterin 194 sharýashylyqta qolǵa alý josparlanǵan. Tsıfrlyq tehnologııalardyń kómegimen aýyl sharýashylyǵynda túrlendirýdiń úlken áleýeti bar, tsıfrlandyrýdyń aýqymdy baǵdarlamasy jaǵdaıynda aýyl sharýashylyǵy damýdyń sapaly jańa deńgeıine shyǵýǵa jáne el ekonomıkasynyń draıveri bolýǵa qabiletti. Aýyl sharýashylyǵyn tsıfrlandyrý baǵdarlamasynyń iske asyrylatyn is-sharalardyń negizgi baǵyttary shyǵymdylyq pen eńbek ónimdiligin arttyrý, elimizdiń azyq-túlik qaýipsizdigin saqtaý bolyp tabylady. Sonymen qatar, aýyl sharýashylyǵy taýarlaryn óndirýshilerge tuqym sebý jumystaryn júrgizýde agrotehnıkany, janar-jaǵar maı únemdeýge, tyńaıtqyshtar men gerbıtsıtterdi qoldanýǵa, sondaı-aq, Qoldau.kz veb-portaly arqyly sýbsıdııalaý, nesıeleý jáne saqtandyrý boıynsha ótinishter berýge bolady», - dep tolyqtyrdy Marat Iǵalıev.

Ákim orynbasarynyń aıtýynsha, budan bólek, mal sharýashylyǵy salasyn tsıfrlandyrý boıynsha da jumystar júrgizilýde. Qazirgi tańda mal sharýashylyǵy salasynda aqparattyq júıeni negizinen «Astana ónim» AQ, «AF Rodına», «Esil Agro», «Kamyshenka», «Eńbek» seriktestikteri jáne «Hamze» sharýa qojalyǵy sııaqty taýarly-sút fermalary qoldanýda. Bul sharýashylyqtarda SELEKS, DairyPlan, DelPro jáne AlPro júıeleri qoldanylyp keledi. Bul tabyn maldy bir ortalyqtan basqarýǵa, óndiristik kórsetkishterin, ıaǵnı, maldyń densaýlyǵyn, ónimdiligin, qorektenýin baqylaýǵa bolady.

«Etti baǵyttaǵy «ýchınskıı gormolzavod», «KazBıff LTD» jáne «SK Fýd» seriktestikterinde avtomattandyrý jumystary júzege asyrylýda. Jalpy, 2022 jylǵa deıin oblysta barlyq óndiristik protsessteri avtomattandyrylǵan iri 5 mamandandyrylǵan taýarly-sút fermasy iske qosylady. Júıedegi mal týraly naqtyly aqparattyń bolýy maldy qorektendirý, eootehnıkalyq jáne veterınarlyq sharalardy ýaqtyly úılestirýge múmkindik beredi. Nátıjesinde sút óndirisin 6-7 paıyzǵa arttyrýǵa bolady», - deıdi M.Iǵalıev.

Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT