+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Aqmola oblysynda býhgalter jalǵan qyzmetkerlerge zańsyz jalaqy aýdarǵan

2020 jylǵy 5 tamyz 10:57
Bólisińiz:
Aqmola oblysynda býhgalter jalǵan qyzmetkerlerge zańsyz jalaqy aýdarǵan

KÓKShETAÝ. QazAqparat – Aqmola oblysynda býhgalter jalǵan qyzmetkerlerge zańsyz jalaqy aýdarǵan.

Uqsas jańalyqtar
Dúnıejúzilik bank Qazaqstandaǵy jemqorlyqty baqylaý kórsetkishiniń jaqsarǵanyn atap ótti Almatyda kúdikti 5-qabattan sekirip mert boldy Shymkentte jalǵan shot-faktýralar rásimdep kelgen qylmystyq top músheleri sottaldy

Bul týraly Aqmola oblysy boıynsha Sybaılas jemqorlyqqa qarsy qyzmet basshylyǵynyń jáne Zerendi aýdany ákiminiń, sondaı-aq aýdandyq ákimdik qyzmetkerleriniń qatysýymen onlaın rejımde ótken beınekonferentsııada aıtyldy, dep habarlaıdy QazAqparat tilshsi Aqmola oblysy boıynsha Sybaılas jemqorlyqqa qarsy is-qımyl departamentiniń baspasóz qyzmetine silteme jasap.

QR Qylmystyq-protsestik kodeksiniń 200-babynda engizilgen sybaılas jemqorlyq jasaýǵa yqpal etken mán-jaılardy joıý máselesi qaralǵan beınekonferentsııada kezdesýge qatysýshylar bótenniń múlkin urlaý oqıǵasy boıynsha memlekettik kommýnaldyq kásiporynnyń býhgalterine qatysty qylmystyq is sheńberindegi aqparattan habardar etildi.

Atap aıtqanda, sotqa deıingi tergeý barysynda mekemeniń bas býhgalteri kásiporynda is júzinde jumys istemegen adamdarǵa iri mólsherde jalaqyny negizsiz aýdarǵany anyqtaldy.

Osyǵan uqsas quqyqbuzýshylyqtarǵa jol bermeý maqsatynda oblystyń Sybaılas jemqorlyqqa qarsy kúres qyzmeti jergilikti atqarýshy organdar qyzmetkerleriniń eńbek jáne qyzmettik tártibine baqylaýdy kúsheıtýdi, qyzmetkerlermen qoldanystaǵy zańnama normalaryn túsindirý boıynsha turaqty negizde jumys júrgizýdi, sondaı-aq vedomstvoishilik normatıvtik-quqyqtyq aktilerge ózgerister engizý boıynsha, atap aıtqanda, basshylardyń elektrondyq-tsıfrlyq qoltańbany berý jaýapkershiligine qatysty tıisti sharalar qabyldaýdy usyndy.

Aıta ketý kerek, jyl basynan beri óńirlik Sybaılas jemqorlyqqa qarsy vedomstvo 67 usyný engizdi, onyń 45 paıyzy ákimdikter men olardyń bólimshelerine engizildi.

«Sybaılas jemqorlyqqa qarsy is-qımyldyń aldyn alý sharalaryna qaramastan, Zerendi aýdanynda laýazymdy tulǵalardy sybaılas jemqorlyq jasaǵany úshin qylmystyq jaýapqa tartý oqıǵalaryn anyqtaý jalǵasýda. Ókinishke qaraı, sońǵy birneshe jyl ishinde mundaı jaǵdaılar kóbeıip ketti. Sondyqtan, baǵynyshty qyzmetkerlerdiń arasyndaǵy sybaılas jemqorlyq quqyqbuzýshylyqtaryn jasaǵany jáne tıisti aldyn alý sharalaryn qabyldamaǵany úshin basshylardyń derbes jaýapkershiligine taǵy da nazar aýdaramyn. Sonymen qatar, zańdylyqty buljytpaı saqtaýǵa jáne memlekettik qyzmetti adal atqarýǵa shaqyramyn», - dep atap ótti beınekonferentsııada Aqmola oblysy boıynsha Sybaılas jemqorlyqqa qarsy is-qımyl departamentiniń basshysy Murat Tóleýbaev.


Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT