Aqmola oblysynda bıyl 5 myńǵa jýyq otbasy baspanaly bolady
2022 jylǵy 27 maýsym 17:38

Aqmola oblysynda bıyl 5 myńǵa jýyq otbasy baspanaly bolady

BÝRABAI. QazAqparat - Bıyl Aqmola oblysynda 5 myńǵa jýyq otbasy baspanaly bolady, dep habarlaıdy QazAqparat tilshisi.

«Biz jyl saıyn turǵyn úı qurylysynyń aýqymyn keńeıtip kelemiz. Máselen, ótken jyly oblystyń 9 aýdany men qalasynda 14 jalǵa jáne turǵyn úı qurylys jınaq júıesi arqyly 5 nesıelik turǵyn úı paıdalanýǵa berildi. Ótken jyly 600 myń sharshy metr turǵyn úı salynyp, 5 myńǵa jýyq otbasy baspanaly boldy. Bıyl bul kórsetkishti 700 myń sharshy metrge jetkizemiz. Osy arqyly taǵy 5 myńǵa jýyq otbasy páter máselesin sheshedi», - dedi óńirdiń áleýmettik-ekonomıkalyq damýyna arnalǵan baspasóz máslıhatynda Aqmola oblysynyń ákimi Ermek Marjyqpaev.

Aımaq basshysynyń aıtýynsha, qoljetimdi turǵyn úı qurylysy oblystyń barlyq aýdan ortalyqtary, sondaı-aq, Kókshetaý jáne Stepnogor qalalarynda júrgizilýde.

Aıta ketsek, budan buryn Kókshetaýda 630 oryndyq zamanaýı aýrýhanasalynatynyn jazǵan edik.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT