Valıýta baǵamdary:
    usd/kzt 422.01 eur/kzt 452.06

    rub/kzt 6.75 cny/kzt 62.72
Aýa raıy:
Nur-Sultan: 1 °S
Almaty: 15 °S

Aqmola oblysynda azyq-túlik baǵasy qalaı turaqtandyrylýda

2022 jylǵy 26 qańtar 11:21

KÓKShETAÝ. QazAqparat - Aqmola oblysynda áleýmettik mańyzy bar azyq-túlik taýarlarynyń baǵasyn turaqtandyrý boıynsha júıeli jumys júrgizilýde, dep habarlaıdy QazAqparat tilshisi.

Oblystyq kásipkerlik jáne ónerkásip basqarmasynyń málimetinshe, bıznes sýbektileri arasynda baǵanyń alypsatarlyq ósýine jol bermeý jáne kózdelgen jaýapkershilik sharalary týraly keń túsindirý jumystary júrgizilýde. Sondaı-aq, saýda nysandarynda saýda ústemesinen 15 paıyzdan asyp ketý jaǵdaılaryn anyqtaý maqsatynda áleýmettik mańyzy bar azyq-túlik taýarlaryna kúndelikti monıtorıng uıymdastyrylyp turady. Quqyq buzýshylarǵa eskertý túrindegi jaýapkershilik sharalary qoldanylady, qaıtalap buzǵan kezde aıyppul sanktsııalary kózdelgen.

«Azyq-túlik taýarlaryna baǵa belgileýdiń barlyq tizbegi boıynsha kásiporyndar basshylarynyń qatysýymen monıtorıngti taldaý júrgiziledi. Ony aýyl sharýashylyǵy taýaryn óndirýshiler, qaıta óńdeý ónerkásibi, kóterme jáne bólshek saýda salasyndaǵy kásipkerler, Memleket basshysynyń tapsyrmasy boıynsha qurylǵan oblys ákimdigi janyndaǵy Komıssııa júzege asyrady. Nátıjesinde saýda jelilerine taýarlardy tikeleı jetkizý jolǵa qoıylady, ónimsiz deldaldardyń býyndary alynyp tastalady», - deıdi vedomstvodan.

Óńirlik turaqtandyrý qorynan jáne «aınalym tetigi» boıynsha jasalǵan sharttar sheńberinde «Kokshe» áleýmettik kásipkerlik korporatsııasynyń tórt áleýmettik dúkeni arqyly taýarlardy jetkizý jáne satý turaqty júzege asyrylýda. Aıta ketsek, bul zamanaýı saýda nysandary jergilikti bıýdjet esebinen salynǵan.

«Osylaısha, «aınalym tetigi» sheńberinde azyq-túlik taýarlarynyń 9 túri boıynsha 1,6 mıllıard teńgege jeńildikpen nesıeler berildi. Oblystyń turaqtandyrý qoryna 3 myń tonnadan astam taýar satyp alyndy, taǵy 6 myń tonnaǵa jýyq kelisimshart jasaldy. Aýa raıy jaǵdaılaryn eskere otyryp, oblys óńirlerinde aýyl sharýashylyǵy jármeńkelerin ótkizý qaıta jańǵyrtylatyn bolady. Jalpy, qabyldanyp jatqan sharalar Memleket basshysynyń ınflıatsııany tejeý jónindegi tapsyrmasyn oryndaýǵa múmkindik beredi», - dep tolyqtyrdy vedomstvodan.

Aıta ketsek, bıylǵy jyldyń basynan beri Aqmola oblys boıynsha áleýmettik mańyzy bar taýarlarǵa baǵa ındeksi 0,2 paıyzdy qurady. Bul ortasha respýblıkalyq kórsetkishten (0,3 paıyz) tómen jáne respýblıka boıynsha 6-orynda tur.


Avtor:

Aslan Ospanov

Novostı po teme
Uqsas jańalyqtar