Jańalyqtar  >

Aqmola oblysynda aıazdy kúni jolda qalǵan 10 adam qutqaryldy

2022 jylǵy 28 qarasha, 09:21
Aqmola oblysynda aıazdy kúni jolda qalǵan 10 adam qutqaryldy

KÓKShETAÝ. QazAqparat - Ótken jeksenbide respýblıkalyq tasjoldardy kúndelikti baqylaý barysynda QazAvtoJol qyzmetkerleri Aqmola avtojoldarynda kóligi buzylyp, janarmaıy qatyp jolda turyp qalǵan 10 adamǵa kómek kórsetti, dep habarlaıdy QazAqparat.

Keshki saǵat 21.00 shamasynda jolshylar eki kishkentaı balasy bar otbasyna kómekke keldi.

Avtokólik bagyndaǵy janarmaıdyń qatyp qalýyna baılanysty otbasy mejeli jerge jete almaǵan.

Jolshylar otbasyn turǵylyqty jerine jetkizýge kómektesip, «Astana qalasyn aınalyp ótý» avtojolynyń 70 shaqyrymynan Qosshy qalasyna deıin GAZel markaly avtokólikti súırep apardy.

Shaǵyn avtobýs jolaýshylaryna da kómek kórsetildi. Bul kólik «Kókshetaý-Atbasar» respýblıkalyq trassasynyń 150 shaqyrymynan tabylǵan. Ony jolshylar Atbasar qalasyna deıin súıredi.

Sol kúni keshke Aqmola jolshylary «Ekaterınbýrg-Almaty» avtojolynyń 1010 shaqyrymynda buzylyp qalǵan júk kóliginiń júrgizýshisin jylytý pýnktine jetkizdi.

Esterińizge sala keteıik, jol boıynda shtattan tys jaǵdaı týyndasa júrgizýshiler men jolaýshylar 1403 qysqa nómiri boıynsha QazAvtoJoldyń táýlik boıy jumys isteıtin call-ortalyǵyna habarlasqany jón.

Ótken demalys kúnderi ǵana call-ortalyqqa respýblıkalyq trassadaǵy jolaýshylardan 2000-nan astam qońyraý túsken.


Tegı:
Seriktester jańalyqtary

Jańalyqtar