+7 (701) 759 90 19
USD 420.76 EUR 498.6
RUB 5.6 CNY 62.27
Jańalyqtar

Aqmola oblysynda antıkor gýmanıtarlyq kómektiń bólinýin baqylaýǵa aldy

2020 jylǵy 4 tamyz 20:11
Bólisińiz:
Aqmola oblysynda antıkor gýmanıtarlyq kómektiń bólinýin baqylaýǵa aldy

KÓKShETAÝ. QazAqparat - Aqmola oblysy boıynsha Sybaılas jemqorlyqqa qarsy is-qımyl departamenti «Aqmola-adaldyq alańy» jobalyq keńsesimen, Arnaıy monıtorıng tobymen, sondaı-aq Qoǵamdyq baqylaý tobynyń ókilderimen birlesip túrli elderden apta saıyn kelip túsetin gýmanıtarlyq kómektiń bólinýin baqylaýǵa aldy, dep habarlaıdy QazAqparat tilshisi vedomstvonyń baspasóz qyzmetine silteme jasap.

Vedomstvonyń málimetinshe, gýmanıtarlyq kómekti «SQ-Farmatsııa» JShS qabyldaıdy, sodan keıin Densaýlyq saqtaý mınıstrligimen kelisim boıynsha bólý qaǵazy qalyptastyrylady jáne el óńirleri boıynsha júk tasymaldaý júzege asyrylady.

Aqmola óńirinde oblystyq Densaýlyq saqtaý basqarmasy gýmanıtarlyq kómekti bólýdi aıqyndaıdy. Sońǵy birneshe apta ishinde oblysqa jeke qorǵaný quraldary men medıtsınalyq buıymdar túrindegi gýmanıtarlyq júk jetkizildi (Katar, Reseı, Qytaı, Dúnıejúzilik densaýlyq saqtaý uıymy, Túrkııa, Ózbekstan, Izraıl, Grýzııa, «Hýaveı Teknolodjız Qazaqstan» JShS).

Sondaı-aq, Reseıden «Koronavır» tabletka preparatynyń 230 oramy, «Samruk-Kazyna Trust» korporatıvtik qorynan «Avıfavır» tabletkadaǵy 176 oramy, Túrkııadan «Gıdroksıhlorohın» 600 oramy jetkizildi.

«Qazirgi tańda Katar, Reseı, Qytaı, DDSU, Túrkııa, Ózbekstannan kelgen gýmanıtarlyq júk Aqmola oblysynyń aýdandary men qalalarynyń medıtsınalyq uıymdaryna taratylyp, jetkizildi.

Budan bólek, jaqyn arada Polshadan (dári-dármekter), Túrkııadan (medıtsınalyq qorǵanys maskalary men kostıýmderi, dári-dármekter) jáne DDSU-dan (medıtsınalyq buıymdar) gýmanıtarlyq kómek túsedi dep kútilýde.

Departament qyzmetkerleri turaqty túrde Densaýlyq saqtaý basqarmasy men medıtsınalyq mekemelerdiń ókilderimen profılaktıkalyq túsindirý jumystaryn júrgizedi. Dári-dármekter men medıtsınalyq buıymdardy urlaý men qaıta satýdy boldyrmaý maqsatynda árbir qaptamaǵa «Gýmanıtarlyq kómek.Tegin.Satýǵa bolmaıdy» móri qoıylady», - deıdi vedomstvodan.

Aıta keteıik, Sybaılas jemqorlyqqa qarsy is-qımyl agenttiginiń usynymy boıynsha sybaılas jemqorlyq táýekelderin syrtqy taldaý sheńberinde «SK-Farmatsııa» JShS resmı saıtynda koronavırýstyq ınfektsııa pandemııasy jaǵdaıynda Qazaqstanǵa túrli memleketterden kelip túsetin gýmanıtarlyq kómekti bólýdiń qoǵamdyq monıtorıngi úshin arnaıy bólim quryldy.

Memleketke «SQ-Farmatsııa» arqyly kelip túsetin gýmanıtarlyq kómektiń túsýi jáne óńirlerge bólinýi týraly aqparatty saıttan kórýge bolady.

«Dári-dármekterdiń baǵasyn negizsiz kóterýge jáne olarmen alypsatarlyqqa jol bermeý maqsatynda departament ýákiletti organdarmen jáne jurtshylyqpen birlesip medıtsınalyq mekemeler men dárihanalarǵa monıtorıng júrgizedi. Qazirgi ýaqytta oblystyń 300-den astam dárihanasy, 30 aýrýhana men emhana, 12 qoımasy baqylaýǵa alynǵan. Barlyǵy 30 buzýshylyq anyqtaldy, onyń ishinde 27 dári – dármektiń baǵasyn kóterý faktisi, 1 arnaıy úı-jaılardan jáne dárihanalardan tys satý faktisi, 1-basqa da buzýshylyqtar. Osyǵan qatysty 9 ákimshilik hattama toltyryldy», - dep tolyqtyrdy vedomstvodan.


Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janat Qapalbaeva
Janat Qapalbaeva
954-059

MURAǴAT