+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

Aqmola oblysynda altyn óndiretin zaýyt salynady

2020 jylǵy 20 aqpan 11:25
Bólisińiz:
Aqmola oblysynda altyn óndiretin zaýyt salynady

KÓKShETAÝ. QazAqparat - Aqmola oblysynda taý-ken baıytý kombınatynyń qurylysy bastalady. Bul týraly aımaq basshysy Ermek Marjyqpaevtyń «RG GOLD» kompanııasynyń ókilderimen kezdesýinde aıtyldy, dep habarlaıdy QazAqparat tilshisi oblys ákimdiginiń baspasóz qyzmetine silteme jasap.

Ákimdiktiń málimetinshe, búgingi kúni taý-ken baıytý kombınaty qurylysynyń jobalaý-smetalyq qujattary ázirlengen, birqatar memlekettik saraptama júrgizilýde.

Budan bólek, ınjenerlik kommýnıkatsııalar úshin jer telimi daıyndalǵan. «RG GOLD» «Ońtústik» jáne «Soltústik aýdan qalashyǵy» ken oryndaryn óndiredi, onda óndiristik qýattylyǵy jylyna 5 mıllıon tonna quramynda altyny bar rýda taý-ken baıytý kombınatynyń qurylysyn salýdy bastaýdy josparlap otyr. Jańa zaýyt Qazaqstanda altyn óndiretin úshinshi zaýyt bolmaq.

«RG GOLD» kompanııasynyń ókilderi óz josparlaryn tanystyrdy, onyń sheńberinde 105 mıllıard teńge ınvestıtsııa quıý josparlanǵan.

«Bul joba jańa jumys oryndaryn, salyq bazasyn nyǵaıtýdy, keminde eki aýdannyń ekonomıkalyq turaqtylyǵyn qamtamasyz etedi. Bıznes ınvestıtsııalardyń jalpy kóleminen jeke ınvestıtsııalar 80 paıyzyn bizdiń ekonomıkamyzdy damytýǵa jumsaıtyny qýantady», - dedi Ermek Marjyqpaev.

Aıta keterligi, qazirgi ýaqytta bul joba respýblıkalyq kartaǵa engizýdi jáne bekitýdi qajet etedi. Aqmola oblysy ózara tıimdi yntymaqtastyqqa múddeli ınvestorlar úshin agroónerkásip sektorynda ǵana emes, óndiristiń barlyq baǵyttary boıynsha tartymdy. Qarjy salymdary jyldan jylǵa óse túsýi sonyń aıǵaǵy.


Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT