Aqmola oblysynda 4 mln tonnaǵa jýyq astyq jınaldy
2021 jylǵy 26 qarasha 23:32

Aqmola oblysynda 4 mln tonnaǵa jýyq astyq jınaldy

NUR-SULTAN. QazAqparat – Aqmola oblysynyń ákimi Ermek Marjyqpaev óńirdegi astyq jınaý jumystaryn baıandady, dep habarlaıdy QazAqparat.

«Bizdiń oblys – negizgi aýylsharýashylyq óńirlerdiń biri, onyń jalpy aýyl sharýashylyǵy ónimindegi úlesi 11%-ǵa jýyq. Tipti kúrdeli klımattyq jaǵdaılarǵa qaramastan, oblys sharýalary gektarynan 8,8 tsentnerden ónim alyp, 4 mln tonnaǵa jýyq astyq jınady», - dedi Ermek Marjyqpaev Óńirlik kommýnıkatsııalar ortalyǵynda ótken brıfıngide.

Ákimniń aıtýynsha, sýarmaly jerler alańyn keńeıtý jumystary jalǵasyp jatyr, qazir sýarmaly jerler 30 myń gektarǵa jetkizildi.

«Aldaǵy ýaqytta Esil jáne Jarqaıyń aýdandarynda Buzylyq sý qoımasy salynyp, sýarmaly jerler keńeıedi. Osy biregeı jáne mańyzdy jobany iske asyrý óńirdiń sýmen qamtamasyz etilýin jaqsartýǵa, sýarmaly jerlerdiń aýdanyn ulǵaıtýǵa múmkindik beredi, ekojúıege, flora men faýnaǵa oń áser etedi. Memlekettik qoldaýdyń arqasynda 72 mlrd teńge kóleminde agroónerkásiptik keshen kórsetkishteriniń óskeni baıqalady», - dedi E. Marjyqpaev.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT