Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 382.38 EUR 428.30
RUB 5.97 CNY 55.39
Jańalyqtar

Aqmola oblysynda 116,5 myń bala jazǵy lagerde demalady

2019 jylǵy 22 mamyr 21:41 563
Bólisińiz:
Aqmola oblysynda 116,5 myń bala jazǵy lagerde demalady

KÓKShETAÝ. QazAqparat - Bıyl Aqmola oblysynda 116,5 myńnan astam bala jazǵy lagerde demalatyn bolady, dep habarlaıdy QazAqparat tilshisi.

Aqmola oblystyq bilim basqarmasynyń məlimeti boıynsha, kúni buryn ekshelip, aýdandyq, qalalyq bilim bólimderiniń jasaǵan josparlaryna sáıkes, balalardyń jazǵy demalysy kezinde 116 567  oqýshyny nemese 99 paıyzyn qamtý kózdelip otyr. Ótken jylmen salystyrǵanda birshama ósim bar. Al, eńbekke baýlý isimen 116 607 oqýshy qamtylmaq.

«Osynsha oqýshyǵa jazǵy demalystary kezinde 20 qala syrtyndaǵy balalardy saýyqtyrý lageri qyzmet kórsetedi. Onyń 13-i memlekettik bolsa, 7-eýi jekemenshik. Bul lagerlerde Aqmola oblysyndaǵy balalardan bólek, Qazaqstannyń barlyq aýmaǵynan oqýshylar kelip demalatyn bolady.

Maýsymnyń basynan Birjan sal aýdanynyń Karlovka aýylyndaǵy «Balaýsa» balalardyń saýyqtyrý ortalyǵy jumysyn bastaıdy. Zerendi aýdanynda  «Parýs» ortalyǵy bıyl jazda balalar men jasóspirimderdi jazǵy demalys jáne saýyqtyrý baǵdarlamasyn júzege asyrady. Aqmola oblysynda 20 lager men 4 balalardy saýyqtyrý ortalyǵy táýlik boıy jumys isteıdi. 16 lager jazǵy maýsymda oqýshylarmen jumys isteıtin bolady», - deıdi vedomstvodan.

Sonymen qatar, jaz maýsymynda Aqmola oblysynyń mektep oqýshylary respýblıkalyq maqsattaǵy lagerlerde saýyǵatyn bolady.

Osy oraıda, kóp balaly jáne turmysy tómen otbasylardaǵy, jetimder men ata-anasynyń qamqorlyǵynsyz qalǵandar, jasóspirimder isi boıynsha bólimshe men mektepishilik esepte turǵan balalar da nazardan tys qalmaıdy.

«Týǵan jer» baǵdarlamasy boıynsha «Uly dala eli», «Astanamyz Nur-Sultandy zertteımiz», «Nur-Sultan - Eýrazııanyń kindigi» taqyrybynda ekspedıtsııalar uıymdastyrylmaq.

Budan bólek, Reseıdiń Omby, Túmen jáne Chelıabi oblystarynda turatyn 40-qa jýyq oqýshy, ıaǵnı, etnıkalyq qazaq balalary Býrabaı aýdanynyń kıeli jerlerine saıahat jasaıtyn bolady.

 

 

Bizdiń kanalymyzǵa jazylyńyz:

Basty sózder: Bilim, Aqmola oblysy,
Bólisińiz:

Avtor:

Aslan Ospanov

Zagrýzka...
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
MURAǴAT