+7 (701) 759 90 19
USD 447.67 EUR 491.36
RUB 5.74 CNY 63.07
Jańalyqtar

Aqmola oblysy Qazaqstan jáne Reseı óńiraralyq forýmyna daıyndalýda

2020 jylǵy 17 aqpan 17:45
Bólisińiz:
Aqmola oblysy Qazaqstan jáne Reseı óńiraralyq forýmyna daıyndalýda

KÓKShETAÝ. QazAqparat – Kúzde Qazaqstan jáne Reseı Prezıdentteriniń qatysýymen Kókshetaýda ótetin óńiraralyq forýmǵa keletin qonaqtar jańartylǵan qonaq úıler men otelderge jaıǵastyrylady, dep habarlaıdy QazAqparat tilshisi oblystyq Іshki saıasat basqarmasyna silteme jasap.

Oblys ortalyǵynda ótetin forýmǵa qatysýshylardy ornalastyrý úshin barlyǵy 920 oryndyq, 516 nómiri bar 25 qonaqúı bar. Qazirgi kezde syrttan keletin qonaqtardy jaıǵastyrý úshin qonaq úılerdiń nómirleri jańartylýda. Qonaq úılerdiń syrtqy kelbeti men materıaldyq-tehnıkalyq bazasy jańartylyp, nómirleri qalpyna keltirilýde. Sondaı-aq, jóndeý jumystary júrgizilip jatqan nysandardyń biri – «Dostyq» úı konaqúı kesheni. Qonaqúı kesheniniń bas menedjeri Lıýdmıla Prıhodkanyń aıtýynsha, 20 jyldan astam qonaqúı naryǵynda tájirıbesi bar oteldiń qonaqtardy joǵary deńgeıde qarsy alýǵa shamasy jetkilikti.

«Jyl basynan beri qonaqúıge kúrdeli jóndeý jumystary júrgizilýde. Nómirler men santehnıka, jıhaz, tósek oryndardyń barlyǵy bir stılde jańartylýda. Besinshi qabatta jóndeý jumystary aıaqtaldy, jetinshi qabattaǵy jumys taıaýǵa jaqyn. Birinshi qabatta lobbı jáne resepshn aımaǵy qalpyna keltirildi. Budan bólek, qonaq úıdiń ishi men syrtqy kólikter turaǵy aýmaǵynda táýlik boıy beınebaqylaý júrgiziledi. Bunyń barlyǵy halyqaralyq standartqa saı bolýǵa baǵyttalǵan», - deıdi qonaqúı menedjeri.

Sonymen qatar, qonaqtardy joǵary deńgeıde qabyldaýǵa «Kókshetaý» qonaqúı keshenindegi 45 nómirde qalpyna keltirilýde. «Plaza Hotel» qonaqúı keshenine kúrdeli jóndeý jumystary júrgizilýde. Forýmǵa qatysýshylardyń ornalasýyna 75 páter qory bar segiz bıýro, jańadan salynyp jatqan 260 páterli «K.G.S. Saýda» JShS turǵyn úı kesheni tartylmaqshy. Budan bólek, forým qonaqtaryn Kókshetaýdan bólek, oblys ortalyǵyna jaqyn ornalasqan Býrabaı kýrortynda 1 657 nómirli, Zerendi kýrortynda 400 nómirli qonaq úıler qarsy alady. Sondaı-aq, 3 210 oryndyq 12 meıramhana qyzmet kórsetetin bolady.

Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT