Aqmola dárigerleri 570 gramm salmaqpen shala týǵan náresteni aman alyp qaldy
2022 jylǵy 25 mamyr 08:44

Aqmola dárigerleri 570 gramm salmaqpen shala týǵan náresteni aman alyp qaldy

KÓKShETAÝ. QazAqparat – Aqmola oblysynda salmaǵy 570 gramm bolyp týǵan náresteni dárigerler aman alyp qaldy. Náreste 90 kún boıy dárigerlerdiń baqylaýynda boldy, dep habarlaıdy QazAqparat tilshisi.

Aqmola oblystyq kópbeıindi aýrýhananyń baspasóz qyzmetiniń málimetinshe, perınataldyq ortalyqtyń jańa týǵan nárestelerdiń patologııa bólimshesinde salmaǵy 500 gramnan sál asatyn sábılerdi kútý jáne túrli aýrýlardan saqtaý sharalary júrgiziledi.

Bólimshe dárigerleri shala týǵan kóptegen náresteniń ómirine arasha túsip keledi.

«Bıylǵy jyldyń 17-shi aqpanynda aýrýhanannyń perınataldy ortalyǵynda salmaǵy 570 gramm sábı dúnıege keldi. Jaǵdaıdyń aýyrlyǵyn jáne gestatsııa merzimin eskere otyryp, 4 sáýirde náreste odan ári emdeý úshin jańa týǵan náresteler patologııasy bólimshesine aýystyryldy. Dárigerlerlerdiń kásibı sheberligi men kútiminiń arqasynda náresteniń salmaǵy 2200 grammǵa jetip, 16 mamyr kúni úıine shyǵaryldy», - dep bólisti aýrýhananyń baspasóz qyzmeti.

Perınataldy ortalyqta jańa týǵan náreste 88 kún boldy.

Bólimniń dárigerleri men medıtsına qyzmetkerleri balanyń anasyna bólimshede sábıine kútim jasaýǵa kómektesti.

Budan bólek, keıin úıde balaǵa kútim jasaý boıynsha usynystar berdi.

Osyǵan deıin aqmolalyq dárigerler 700 jáne 721 gramm salmaqpen týǵan eki náresteni qutqaryp qalǵan bolatyn.


Jańalyqtar

MURAǴAT