+7 (701) 759 90 19
USD 386.44 EUR 428.37
RUB 6.06 CNY 54.93
Jańalyqtar

Aqqumda 500-ge jýyq otbasy jerin tıimdi paıdalanyp, baý-baqshasyn jaıqaltyp otyr

2019 jylǵy 25 qyrkúıek 18:51
Bólisińiz:
Aqqumda 500-ge jýyq otbasy jerin tıimdi paıdalanyp, baý-baqshasyn jaıqaltyp otyr

TÓLEBI. QazAqparat – Túrkistan oblysy Tólebı aýdanynyń ákimi aýyldardy aralap, turǵyndardy tolǵandyrǵan ózekti máselelermen tanysty. Baýyrjan Omarbekov Aqqum aýyldyq okrýgine júrgizgen zerdeleý jumystarynyń nátıjesin jáne birqatar problemalardy talqylaý úshin Momynaı jalpy orta mektebinde okrýg turǵyndarymen kezdesti, dep habarlaıdy QazAqparat tilshisi.

Uqsas jańalyqtar
Úkimet «Aýyl - el besigi» baǵdarlamasyn iske asyrýdyń jańa tetikterin maquldady Úkimet aýyldardaǵy máselelerdi sheshý úshin 900 mlrd teńge bólmek Aqtóbede shalǵaı aýyl turǵyndary úshin elektrondy qyzmet qoljetimdi

Aýdan basshysy aldymen Aqqum aýyldyq okrýgine qarasty birneshe mekemeniń jumysymen tanysyp, «Saıabaq» alańshasyndaǵy Qapal batyr eskertkishiniń qurylysyn jáne jeke kásipkerdiń jańadan salynǵan astyq saqtaıtyn qoımasyn kórip qaıtty. Sharýashylyqtaǵy 500 bas iri qara men 1500 bas usaq mal bordaqylaý alańshasyna bardy. Taǵy bir turǵynnyń egistigi men mal bordaqylaý alańshasyn, úı irgelik jerge ekken shyrsha, gúl túrleri, tańqýraı, alma kóshetterin, ósirip jatqan úı qustaryn aralap kórdi.

Budan keıin aýdan ákimi okrýgtiń jaǵdaıyn saralaý boıynsha aýdan ákiminiń orynbasarlary men derbes bólim basshylarynyń jasaǵan jumystary týraly jınalysqa qatysty. Atqarylǵan jumys nátıjesinde aýyldyq okrýgte turǵyn úı maqsatynda berilip, bos jatqan 191 jer ýchaskesi bar ekeni, úı irgelik jerin 493 otbasy tıimdi paıdalanyp, 250 úı jemis-jıdek aǵashtary men jońyshqa daqyldaryn ekkeni, okrýgti kógaldandyrý maqsatynda egilgen aǵashtardy kútip ustaý, qorshaý, sýǵarý jumystary tómen ekeni jáne 6,4 shaqyrym ishki aryqty tazalaý josparlanǵanymen, onyń 89% tazalanbaı qalǵany anyqtalǵan.

Sonymen qatar, aýylda 22 jeke kásipker jumys istep tur. 7 kásipkerlik nysannyń ekeýiniń jeri maqsatyna saı emes, al 3 kásipkerlik nysan kassalyq apparatsyz jumys istegen. Bir kásipker lıtsenzııasyz alkogol satyp kelgen. Al turǵyn úı salasynda erterekte salynyp, qujattary rásimdelmegen 11 úı, jańadan salynǵan, biraq eski qujatymen turǵan 9 úı anyqtalyp otyr. Osy oraıda aýdan ákimi úı ıelerine tehnıkalyq tólqujatyn, memlekettik aktisin, qabyldaý aktisin jasatyp, zańdy tirkelýin qadaǵalaý týraly tapsyrma berdi.

Aýdan ákimi Baýyrjan Omarbekov aıtylǵan taldaýlardan soń aýyl turǵyndarynyń usynys-pikirlerin tyńdady. Aýyl azamattaryn qoǵamdyq jumystarǵa, qolynan keletin isterge belsene aralasýyn, kógaldandyrý jáne tazalyq jumystaryn júrgizý, kem-ketigi bar turǵyn úıler men saýda núkteleriniń qujattaryn osy bastan retke keltirý kerektigin aıtyp ótti.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT