+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Ákimdikter men Ulttyq kompanııalar EKSPO-nyń qandaı tehnologııalaryn tańdap aldy

2017 jylǵy 28 jeltoqsan 16:28
Bólisińiz:
Ákimdikter men Ulttyq kompanııalar EKSPO-nyń qandaı tehnologııalaryn tańdap aldy

ASTANA. QazAqparat - Qazaqstandaǵy oblys ákimdikteri men Ulttyq kompanııalar «EKSPO-2017» halyqaralyq kórmesiniń 55 tehnologııasyn júzege asyrǵaly jatyr. Ákimdikter men kompanııalardyń qandaı jobalardy tańdap alǵany týraly Astanada ótken baspasóz máslıhatynda QR Energetıka mınıstrligi jańartylatyn energııa kózderi departamentiniń dırektory Aınur Sospanova aıtty, dep habarlaıdy «QazAqparat» HAA tilshisi.

«Ákimdikter 40, ulttyq kompanııalar 15 tehnologııany tańdap aldy. Munaı men gaz salasynda 7 tehnologııa iriktelip, qazaqstandyq kásiporyndarǵa engizilgeli jatyr. Naqtyraq aıtqanda, Qostanaı oblysynyń ákimdigi nemistiń «SGK-510 gazanalıtıkalyq qurylǵysyn» 2018 jyly engizýdi josparlap otyr. Atalǵan tehnologııany engizýdiń arqasynda gazdy tutynýda ákimdik jylyna 40 mıllıon teńgeni únemdeı alady. Qazirgi ýaqytta atalǵan joba boıynsha JSQ memlekettik saraptamasyna berilgen», - deıdi Aınur Sospanova.

Energetıka mınıstrligi ókiliniń aıtýyna qaraǵanda, «Embimunaıenergo» AQ búgingi kúni General Electrik kompanııasynyń «6F.01 gaz trýbınalaryn» engizýdi kózdese, Qostanaı oblysynyń ákimdigi energetıka salasynda qýattylyǵy 2,5 MvT-tyq týrboagregattardyń jobasyna arnap jobalyq-smetalyq qujattamaǵa baıqaý jarııalaǵan.

«SQO ákimdigi 2018 jyly «Mobıldi telefondardy tegin qýattaý avtonomdy stantsııasyn» turǵyzý úshin qytaılyq tehnologııany engizbek. Bul tańdaý elektr energııasyn tutyný shyǵynyn azaıtyp, qorshaǵan ortaǵa keltiriletin zııandy zattardyń mólsherin qysqartady. Qazirgi ýaqytta ákimdik qytaılyq Shenzhen kompanııasymen qurylǵyny Qazaqstanǵa jetkizý boıynsha kelisimge qol jetkizip otyr. Óz kezeginde «QazTransOıl» AQ 2018 jyly slovakııalyq «energııaúnemdeýshi ekokapsýla» men avstrııalyq «Sundrops» mobıldi kún elektrostantsııasy» jobasyn júzege asyrmaq», - deıdi QR EM ókili.

Al Qaraǵandy oblysynyń ákimdigi men Fınlıandııanyń «SetClean Teach», «Qaraǵandy EKO-servıs» JShS qoqystardy óńdeý úshin úsh jaqty kelisimge otyrǵan. Sonymen birge, búginge deıin Qaraǵandy qalasynda qoqys óńdeýshi zaýytty salý jobasy maquldanyp otyr. Kelisim aıasynda fındik tehnologııany 2018 jyly Qaraǵandyǵa jetkizý josparlanǵan.

Aıta ketsek, QR Energetıka mınıstrligi EKSPO kórmesiniń halyqaralyq pavılondarynda usynylǵan jańa tehnologııalardy Qazaqstanda qoldaný múmkindigin qarastyryp jatyr. Mınıstrlik búginge deıin kórmede tanystyrylǵan 105 sheteldik tehnologııa men 28 otandyq tehnologııanyń tizimin jasaǵan. Atalǵan tizim ulttyq jáne jeke kompanııalarǵa, sonymen birge oblys ákimdikterine joldanǵan.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT