+7 (701) 759 90 19
USD 424.49 EUR 504.51
RUB 5.59 CNY 64.57
Jańalyqtar

Ákimdikter men qoǵamdyq baqylaýdyń is-qımyly formaldi túrde ǵana - QR DSM

2020 jylǵy 22 qazan 21:09
Bólisińiz:
Ákimdikter men qoǵamdyq baqylaýdyń is-qımyly formaldi túrde ǵana - QR DSM

NUR-SULTAN. QazAqparat - Búgin QR Densaýlyq saqtaý mınıstri Alekseı Tsoıdyń tóraǵalyǵymen qoǵamdyq baqylaý ókilderimen selektorlyq keńes ótti, dep habarlaıdy QazAqparat tilshisi.

Densaýlyq saqtaý mınıstri atap ótkendeı, koronavırýs ınfektsııasy búkil álemdegi densaýlyq saqtaý júıesine úlken aýyrtpalyq túsirdi. Qalyptasqan jaǵdaıǵa baılanysty óńirlerde volonterler qoǵamdyq baqylaý tobyn quryp, birneshe aı densaýlyq saqtaý, bilim berý obektileriniń jáne qoǵamdyq oryndardaǵy sanıtarlyq normanyń saqtalýyna monıtorıng júrgizip keledi. Sondaı-aq, óńirlik úılestirýshiler gýmanıtarlyq júkterdi qabyldaý, ony bólýge belsendi qatysyp otyr.

Vedomstvo aqparatynsha, 383 volonter úsh aı ishinde Qazaqstannyń 17 óńirinde 4 300-den astam monıtorıngilik is-shara ótkizdi. Olar gýmanıtarlyq júkterdi qabyldaýǵa kómektesti, adam kóp jınalatyn oryndarda monıtorıng júrgizdi, sanıtarlyq normalardy buzǵandarǵa qatysty azamattardan túsken shaǵymdarǵa jaýap berdi, densaýlyq saqtaý jáne bilim berý obektilerine monıtorıng jasady.

«Áleýmettik jelilerdegi monıtorıng qoǵamdyq baqylaý eriktileri halyq arasynda joǵary bedelge ıe ekenin jáne jurt olardyń qyzmetine senim artatyn kórsetedi», - dedi A. Tsoı.

Sonymen qatar, búginde qoǵamdyq baqylaýdy úılestirýshilerdiń memlekettik organ ókilderimen, ásirese óńirlermen baılanysta birqatar qıyndyq bar. Qoǵam ókilderi, ákimdikter, sanıtarlyq-epıdemıologııalyq qyzmetter men Polıtsııa departamentteri arasynda naqty ózara is-qımyl men úılestirý joq. Keıbir óńirlerde jergilikti atqarýshy organdarmen qoǵamdyq baqylaý tobynyń ózara is-qımyly formaldi túrde ǵana.

«Osyǵan baılanysty biz qoǵam ókilderi men memlekettik jáne jergilikti atqarýshy organdar arasyndaǵy ózara yntymaqtastyq pen úılestirýdi retteýimiz qajet», - dedi mınıstr.

Kezdesý barysynda qatysýshylar joǵaryda atalǵan máselelerdiń sheshimine qatysty pikir almasty, al Densaýlyq saqtaý mınıstri óńirlerdegi densaýlyq saqtaý basqarmalarynyń basshylaryna qoǵamdyq baqylaý múshelerin qoldaýdy jáne olarǵa qajetti kómek kórsetýdi tapsyrdy.


Bizdiń kanalymyzǵa jazylyńyz:

Bólisińiz:

Avtor:

Balnur Qojageldi

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT