+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Ákimder saılaýy: Baqylaýshylar Aqmola oblysyndaǵy saılaý ýchaskelerine bardy

2021 jylǵy 22 shilde 22:43
Bólisińiz:
Ákimder saılaýy: Baqylaýshylar Aqmola oblysyndaǵy saılaý ýchaskelerine bardy

KÓKShETAÝ. QazAqparat – Búgin Aqmola oblysynyń partııalyq emes baqylaý ortalyǵynyń ókilderi saılaý ýchaskelerine baryp, 25 shildede aýdandyq mańyzy bar qalalardyń, aýyldardyń, kentterdiń, aýyldyq okrýgterdiń ákimderin saılaýǵa daıyndyq barysymen tanysty, dep habarlaıdy QazAqparat.

Uqsas jańalyqtar

«Aqmola oblysynyń partııalyq emes baqylaý ortalyǵy» QB basshysy Erlan Zakırıanovtyń aıtýynsha, aýyldyq okrýgterde baqylaýshylardy oqytý júrgizilýde.

«Baǵdarlama daýys berýdi baqylaýdyń praktıkalyq daǵdylaryn alýǵa baǵyttalǵan. Partııalyq emes baqylaý ortalyǵynyń baqylaýshylary – saılaý protsesiniń tikeleı qatysýshylary emes», – dedi ol.

Partııalyq emes baqylaý ortalyǵynyń baıqaýshylary Kókshetaý qalasy, Stantsıonnyı kentiniń № 50 saılaý ýchaskesinde boldy. Saılaý ýchaskelerine barǵan kezde baıqaýshylar múmkindigi shekteýli adamdardyń qoljetimdiligin qamtamasyz etý jaǵdaılaryna, sanıtarlyq normalarǵa erekshe nazar aýdardy.

Aıta ketý kerek, Aqmola oblysynda baqylaýshylarmen úlken daıyndyq jumystary júrgizildi. Olardyń árqaısysy aldaǵy saılaý máseleleri boıynsha oqytýdan ótti. Barlyq baqylaýshylarǵa ádistemelik materıaldar (bloknot, baqylaýshynyń jadynamasy, baqylaýshynyń quqyqtary men mindetteri) berildi. Oblysta barlyǵy 218 saılaý ýchaskesi ashylyp, 95 aýyl ákiminiń saılaýy ótedi.

Eske sala keteıik, 15 qańtarda Memleket basshysy aýyldyq okrýg ákimderin saılaýdan keıin aýyl ákimderin saılaýǵa kóshýge bolatynyn aıtqan bolatyn. Aǵymdaǵy jyldyń 25 mamyrynda Memleket basshysy «Qazaqstan Respýblıkasyndaǵy saılaý týraly» Qazaqstan Respýblıkasynyń Konstıtýtsııalyq zańyna ózgerister men tolyqtyrýlar engizý týraly» Qazaqstan Respýblıkasynyń Konstıtýtsııalyq zańyna qol qoıdy.

Zańmen aýdandyq mańyzy bar qalalardyń, aýyldardyń, kentterdiń, aýyldyq okrýgterdiń ákimderin tikeleı saılaý engiziledi. Májilis saılaýy kezinde saıası partııalardyń ótý shegi de tómendetildi.

Zańǵa sáıkes, kandıdatty saıası partııalarmen, ózin-ózi usynýmen, sondaı-aq joǵary turǵan ákimdermen usyný qarastyrylǵan.

Aýyl ákimi retinde memlekettik qyzmet týraly Zańnyń talaptaryna sáıkes keletin jasy 25-ten kishi emes QR azamaty bola alady. Aıta keteıik, bir adam eki ret qana aýyl ákimi bola alady.

QR OSK málimetinshe, búginde Qazaqstanda 2 346 ákim bar. Jańa normalar engizilgennen keıin olardyń barlyǵy qoldanystaǵy ókilettik merzimi aıaqtalǵannan keıin tikeleı daýys berý arqyly saılanady. Aǵymdaǵy jyldyń sońyna deıin atalǵan sanattaǵy 775 ákimdi saılaý josparlanyp otyr.


Bizdiń kanalymyzǵa jazylyńyz:

Bólisińiz:

Avtor:

Gúlzat Aqjolova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT