+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Ákimder óz pıary úshin konkýrs jarııalaı almaıdy – Aıda Balaeva memlekettik tapsyrystaǵy jańa ádister týraly

2021 jylǵy 7 maýsym 22:18
Bólisińiz:
Ákimder óz pıary úshin konkýrs jarııalaı almaıdy – Aıda Balaeva memlekettik tapsyrystaǵy jańa ádister týraly

NUR-SULTAN. QazAqparat – QR Aqparat jáne qoǵamdyq damý mınıstri Aıda Balaeva memlekettik aqparattyq tapsyrystyń mańyzy men jańa ádisteri týraly aıtyp berdi, dep habarlaıdy QazAqparat.

Uqsas jańalyqtar
Táýelsiz baqylaýshylar Qaraǵandy oblysyndaǵy aýyl ákimderiniń saılaýyn baqylaıtyn bolady Elordada demalys kúnderi dámhanalar men meıramhanalar qalaı jumys isteıdi Táýelsizdiktiń  30 jyldyǵyna oraı 1149 is-shara ótkizildi - BQO

«Memlekettik aqparattyq tapsyrys – halyqqa mańyzdy aqparat jetkizý úshin qajet shara. Bul keıbir BAQ-qa qyzyqsyz bolýy múmkin, alaıda halyq memlekettik baǵdarlamalar, jeńildikter jáne taǵy basqa reformalar týraly bilýge tıis. Sol sebepti memlekettik tapsyrys, eń aldymen, halyq múddesi úshin jasalady», - dedi Aıda Balaeva «Sputnik Qazaqstan» portalyna bergen suhbatynda.

Mınıstr memlekettik aqparattyq tapsyrys aıasynda aqparat salasyndaǵy jańa jobalarǵa da qoldaý kórsetiletinin atap ótti.

«Budan bólek, otandyq prodakshn-ındýstrııaǵa aqsha quıylady. Al bul báseke artyp jatqan naryqtyń damýyna oń áser etedi. Taǵy bir oń ózgeris – sheteldik kontentke táýeldiliktiń azaıýy. Memlekettik emes BAQ-qa aqparattyq tapsyrys aıasynda bólingen qarjy ishinara memlekettik tildi nasıhattaýǵa baǵyttalǵan. Al bul memlekettik tilde kórsetiletin telehıkaıalar men derekti fılmderdiń, túrli jobalardyń sanyn arttyrady», - deıdi A. Balaeva.

Sonymen birge, Aqparat mınıstri memlekettik tapsyrystyń álsiz tusy – respýblıkalyq jáne óńirlik deńgeıde biryńǵaı memlekettik aqparattyq saıasattyń joqtyǵy ekenin basa aıtty.

«Biraq biz zańnamany jetildirip, memlekettik aqparattyq tapsyrys aıasynda jańa ádister ázirledik. Mysaly, respýblıkalyq jáne óńirlik deńgeıde memlekettik aqparattyq tapsyrys qalyptastyrýdyń biryńǵaı ádisi engizildi. ıAǵnı, memlekettik aqparattyq tapsyrys ortalyqtan bólinip, ony Aqparat jáne qoǵamdyq damý mınıstrligi qadaǵalaıdy. Bul biryńǵaı taqyryptyq baǵytty ustanýǵa, óńirlerge qarjynyń teń bólýine sep bolyp, konkýrstarǵa biliksiz kompanııalardyń qatysýyna jol bermeıdi.

Máselen, ákimder endi óz pıary úshin konkýrs jarııalaý múmkindiginen aıyrylady. Nemese, mysaly, sybaılas jemqorlyqqa meılinshe tosqaýyl qoıylady – óńirlerde enshiles kompanııalardy memlekettik aqparattyq saıasatqa shyǵara almaıdy. Bizdiń mindet memlekettik aqparattyq tapsyrysty barynsha ashyq ári tıimdi etý, biz ázirlegen sharalar osy maqsatqa jetýge kómektesedi», - dep túsindirdi Aıda Balaeva.

Buǵan deıin Aqparat jáne qoǵamdyq damý mınıstri Aıda Balaeva jýrnalısterdiń biliktiligin arttyrý úshin qandaı sharalar jasalǵanyn aıtqan edi.

Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059

MURAǴAT