+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Ákim saılaýynan keıin turǵyndar búkil jumysty baqylaı alady – Alma Qozbaeva

2021 jylǵy 25 shilde 11:08
Bólisińiz:
Ákim saılaýynan keıin turǵyndar búkil jumysty baqylaı alady – Alma Qozbaeva

NUR-SULTAN. QazAqparat – Aýyl ákimderin tikeleı saılaý árbir qazaqstandyqqa óziniń partııalyq qatysýyna qaramastan konstıtýtsııalyq quqyǵyn júzege asyrýǵa múmkindik beredi.

Uqsas jańalyqtar

Bul pikirdi «Kaisar-kz» QB tóraǵasy, Pavlodar oblysyndaǵy partııalyq emes baqylaý ortalyǵynyń tóraǵasy Alma Qozbaeva bildirdi, dep habarlaıdy QazAqparat.

«Táýelsiz Qazaqstan tarıhynda alǵash ret ókilettik merzimi aıaqtalǵan aýyldyq okrýg ákimderiniń tikeleı saılaýy ótip jatyr. Aýyl ákimderin tikeleı saılaý árbir qazaqstandyqqa óziniń konstıtýtsııalyq quqyǵyn partııalyq qatysýyna qaramastan júzege asyrýǵa múmkindik beredi. Jergilikti turǵyndar árdaıym aýyldyq máselelerdi sapaly sheshýge múddeli, qazir bizde tikeleı qatysyp qana qoımaı, jumys nátıjelerine áser etý múmkindigi de paıda bolady. Ózin-ózi usynýshylarǵa saılaýǵa qatysý múmkindigi búkil saılaý protsesiniń básekeli ótýine jańa serpin beredi. Bul sharanyń biregeıligi sonda, turǵyndar búkil protsesti baqylaı alady. Naqty kandıdatqa daýys berip, ákimdi saılaıdy, eger turǵyndar ákim óziniń laýazymdyq mindetterin atqarmaıdy dep sanasa, oǵan senimsizdik votýmyn bildire alady. Olar saılaýshynyń quqyqtaryn tolyq paıdalana alady», - dep atap ótti spıker.

Onyń aıtýynsha, tikeleı saılaý kezinde saıası partııalardyń, halyqtyń jáne saılanǵan ákimniń jaýapkershiligi arta túsedi.

«Jańadan saılanǵan ákim óz saılaýshylary aldyndaǵy jaýapkershilikti tolyq sezinýi tıis. Sonymen birge, ózin-ózi usynýshylar daýys berýge quqyǵy bar saılaýshylardyń keminde 1%-ynan qol jınaý arqyly saılaýǵa qatysýǵa úmitker bola alady. Bul – ádil kúreske qatysqysy keletinder úshin jeńiske jetýdiń úlken múmkindigi. Joǵaryda aıtylǵan ózgerister azamattardyń belsendiligi men sana-sezimine áser etedi. Árbir qazaqstandyq óziniń saılaýǵa qatysýy men aýyl bolashaǵy ózara baılanysty ekenin túsinýi tıis. Elimizdiń árbir azamatyna jeke jaýapkershilik artatyn kez keldi, óıtkeni Qazaqstan – jalǵa alynǵan úı emes, óz úıimiz», - deıdi Alma Qozbaeva.

Aıta keteıik, Pavlodar oblysynda saılaý protsesin partııadan tys 400-den astam baıqaýshy baqylap otyr. Partııalyq emes baqylaý ortalyǵyna tórt qoǵamdyq birlestik kirgen. Búginde olar ýchaskelik komıssııalardyń jumysyna ǵana emes, partııalyq baıqaýshylardyń jumysyn da qadaǵalaıdy, daýys berý protsesin baqylaıdy.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT