+7 (701) 759 90 19
USD 424.92 EUR 500.09
RUB 5.87 CNY 65.92
Jańalyqtar

Ákim saılaýy: Shyǵysqazaqstandyq baıqaýshylardyń arasynda qarttar da bar

2021 jylǵy 24 shilde 16:11
Bólisińiz:
Ákim saılaýy: Shyǵysqazaqstandyq baıqaýshylardyń arasynda qarttar da bar

NUR-SULTAN. QazAqparat – «Partııalyq emes baqylaý ortalyǵy» respýblıkalyq qoǵamdyq birlestiginiń Shyǵys Qazaqstan oblysyndaǵy fılıalynyń tóraǵasy Aıaýjan Áshimova erteńgi saılaýǵa 300-den astam beıtarap baıqaýshy daıyndaǵandaryn aıtady, dep habarlaıdy QazAqparat tilshisi.

Uqsas jańalyqtar

«Búginge deıin 300-den astam baqylaýshyny oqytyp, erteńgi naýqandy baıqaýǵa daıyndap otyrmyz. Erteń ákimder saılaýynda óńirdegi barlyq saılaý ýchaskesinde bizdiń beıtarap baıqaýshylar jumys isteıdi. Maqsatymyz – saılaýdyń ádil, ashyq ótýin qadaǵalaý. Baıqaýshylardy burynnan daıyndap júrgendikten, bul joly zań normalarymen tanystyryp qana qoımaı, burynǵy tájirıbemiz boıynsha shtattan tys jaǵdaılardy aıtyp, túrli keısterdi keltirip, ondaı jaǵdaılarda ózi qalaı ustaý kerektigin úırettik», - deıdi beıtarap baıqaýshylardyń ókili.

Aıaýjan Áshimov sákim saılaýyn baıqaýshylardy iriktegen kezde eń birinshi nıetiniń durystyǵyna kóńil bólingenin aıtady.

«Ekinshiden, baıqaýshylardy neǵurlym jergilikti turǵyndar arasynan tarttyq. Olar búgin baıqaýshy bolǵanymen, erteń sol aýylda qarapaıym turǵyn retinde ómir súredi. Sondyqtan saılaýdyń burmalaýsyz ótýine múddeli bolady», - deıdi «Partııalyq emes baqylaý ortalyǵynyń» ókili.

Erteń Shyǵys Qazaqstanda jalpy jıyny 77 eldi mekenniń ákimi saılaý arqyly anyqtalady.

«Baıqaýshylardyń bári óte belsendi. Osy protseske úlken qyzyǵýshylyqpen aralasyp otyr. Olardyń jas quramy da árkelki. Árıne jastardyń qatary kóbirek. Biraq biz baıqaýshylardy saılaý ótetin aýyldardyń ózinen jasaqtaǵanymyzdy aıtý kerek. Demek, arasynda atalar men ájeler de bar», - dedi Aıaýjan Áshimova.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT