+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Aqan Sataev pen Arýjan Saın «Qurmet» ordenimen marapattaldy

2019 jylǵy 13 jeltoqsan 14:45
Bólisińiz:
Aqan Sataev pen Arýjan Saın «Qurmet» ordenimen marapattaldy

ALMATY. QazAqparat – Almaty ákimi Baqytjan Saǵyntaev QR Táýelsizdigi kúni qarsańynda qalanyń damýyna úles qosqan almatylyqtarǵa memlekettik nagradalar tabystady, dep habarlaıdy QazAqparat tilshisi.

«Memlekettik jáne qoǵam qaıratkerlerin, bilim berý, densaýlyq saqtaý, energetıka, qarjy, týrızm, bıznes salasynyń bilikti mamandaryn, memlekettik qyzmetkerlerdi, azamattyq qoǵam ókilderin marapattaý men úshin úlken mártebe. Bul azamattardyń barlyǵy qalamyzdyń órkendeýine jan-jaqty úles qosyp keledi», - dedi Baqytjan Saǵyntaev.

Qala ákimi «Parasat» ordenin eńbek ardageri, «Ǵylym ordasy» memlekettik mekemesiniń ǵylymı qyzmetkeri Ǵaınıken Bıbatyrovaǵa, eńbek ardageri, Qazaq ASR halyq ártisi Lakı Kesoglýǵa, Qazaqstan jazýshylar odaǵy basqarmasy tóraǵasynyń orynbasary Mereke Qulkenovke, eńbek ardageri, QR Tuńǵysh Prezıdenti janyndaǵy Qazaqstan Strategııalyq zertteýler ınstıtýtynyń ǵylymı qyzmetkeri Klara Hafızovaǵa tabys etti.

«Qurmet» ordeni «Sentras Kapıtal» holdıng kompanııasynyń dırektorlar keńesiniń tóraǵasy Eldar Abdrazakovqa, Q.Sátpaev atyndaǵy Qazaq ulttyq tehnıkalyq zertteý ınstıtýtynyń professory Zınesh Ábishevaǵa, «Mıloserdıe» qaıyrymdylyq qorynyń dırektory, Qazaqstandaǵy balalar quqyǵy jónindegi ýákil Arýjan Saınǵa, rejısser Aqan Sataevqa, Almaty qalasynyń bas ımamy Erkinbek Shoqaıǵa berildi.

ІІІ dárejeli «Eńbek Dańqy» ordeni «Almatınskıı zavod mostovyh konstrýktsıı» № 3 tsehynyń armatýrıgi Vasılıı Gorbýnǵa, «Almatyelektrotrans» JShS trolleıbýs júrgizýshisi Alǵashbaı Jarmedetovke, «Almatymetroqurylys» AQ taý departamentiniń qyzmetkeri Erejep Jaýkenovke, «Alataý Jaryk Kompanııasy» AQ taratý jelileri basqarmasynyń bas sheberi Almas Omarovqa, «Metropolıten» KMK elektropoıyzynyń mashınısi Andreı Sekırkınge, «Almatyelektrotrans» JShS trolleıbýs júrgizýshisi, eńbek ardageri Anatolıı Cherenevke berildi.

Sonymen qatar, birqatar almatylyqtar «Eren eńbegi úshin» jáne «Shapaǵat» medaldarymen, «Qazaqstannyń eńbek sińirgen qaıratkeri» qurmetti ataǵymen, QR Prezıdentiniń alǵys hatymen marapattaldy.

Qala ákimi bekitken «Eńbegi úshin» tósbelgisi Qazaqstan qazaqstan múgedekter odaǵynyń tóraǵasy Álı Amanbaev, №2 qalalyq perzenthananyń bosaný bóliminiń meńgerýshisi Gúlnar Kúrenova, Jetisý aýdany ardagerler keńesiniń tóraıymy Tamara Shákimovaǵa taǵyldy.

Bizdiń kanalymyzǵa jazylyńyz:

Bólisińiz:

Avtor:

Gúlmıra Ǵosmanálı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT