Akademııalyq derbestik alǵan kolledjderdegi oqý merzimi 2 jyl bolmaq

2022 jylǵy 8 jeltoqsan, 17:50
Akademııalyq derbestik alǵan kolledjderdegi oqý merzimi 2 jyl bolmaq

ASTANA. QazAqparat – Akademııalyq derbestik berilgen kolledjder oqý merzimin qysqartýǵa múmkindik alady. Bul týraly onlaın-brıfıng barysynda Oqý-aǵartý mınıstrligi Tehnıkalyq jáne kásiptik bilim departamentiniń basshysy Altaı Rahımberlın aıtty, dep habarlaıdy QazAqparat tilshisi.

Buǵan deıin mınıstrlik kolledjderdegi oqý merzimin qatań rettegen bolatyn. Endi akademııalyq erkindik berý aıasynda olar oqý merzimin qysqartýǵa múmkindik alyp otyr. Máselen, buǵan deıin oqý merzimi 3 jyl 10 aı bolsa, endi ony 2 jylǵa deıin qysqartýǵa bolady. Osy derbestiktiń negizinde kolledjderimiz qysqa merzimde sapaly mamandardy eńbek naryǵyna shyǵarady. Buǵan deıin mınıstrlikke qatysty syn-pikirler boldy. Atap aıtqanda, kópshilik «sizder mamandardy uzaq ýaqyt daıyndaısyzdar» deıtin. Sondyqtan, biz osyny eskerdik, -

dedi Altaı Rahımberlın.

Aıtýynsha, akademııalyq derbestik alǵan kolledjder jergilikti kásiporyndarmen yntymaqtastyqta jumys isteıdi. Demek, jumys berýge nıetti kompanııalar ózderine qajetti sala mamandaryn daıarlaý boıynsha usynys joldaıdy. Osy oraıda, kásiptik-tehnıkalyq bilim berý uıymdary basymdyqty suranys joǵary mamandyqtarǵa beredi.


Seriktester jańalyqtary

Jańalyqtar