+7 (701) 759 90 19
USD 424.49 EUR 504.51
RUB 5.59 CNY 64.57
Jańalyqtar

«Aq jol» partııasy úshin parlamenttik oppozıtsııa ınstıtýtyn engizý óte mańyzdy – Azat Perýashev

2020 jylǵy 21 qazan 13:51
Bólisińiz:
«Aq jol» partııasy úshin parlamenttik oppozıtsııa ınstıtýtyn engizý óte mańyzdy – Azat Perýashev

NUR-SULTAN. QazAqparat – «Aq jol» partııasy úshin parlamenttik oppozıtsııa ınstıtýtyn engizý óte mańyzdy. Bul týraly partııa tóraǵasy, QR Parlamenti Májilisiniń depýtaty Azat Perýashev pikir bildirdi, dep habarlaıdy «QazAqparat» HAA tilshisi.

«Memleket basshysynyń saılaý ótkizý týraly búgingi sheshimi biz úshin tosyn jaǵdaı bolǵan joq. Asylynda, muny bári kópten kútti. Tipti saılaýdyń merziminen buryn emes, ádettegi merzimde ótýi de – sırek kezdesetin jaǵdaı. Bul Májilistiń qazirgi quramyna tolyq merzimin aıaqtaýǵa múmkindik beredi. «Aq jol» partııasy da kez kelgen jaýapty saıası partııa sekildi bul saılaýǵa daıyn. Kez kelgen partııa aldyńǵy saılaý aıaqtalǵan soń, birden kelesi saılaý daıyndyǵyna kirisýi kerek. Jáne «Aq jol» partııasy bul saılaýǵa 2016 jyldan beri daıyndalyp keledi. Qalaı daıyndaldy? Eń aldymen Májilistegi, máslıhattardaǵy depýtattarymyzdyń qyzmeti arqyly óz kózqarastarymyz ben ustanymdarymyzdy júzege asyrdyq. Búginde máslıhattarda 50-ge jýyq depýtatymyz bar. Osy ýaqyt ishinde biz qorǵap kelgen qaǵıdalar – ulttyq múdde máseleleri, naryqtyq reformalardy damytý jáne jeke kásipkerlikti qoldaý máseleleri, sybaılas jemqorlyqqa qarsy kúres máseleleri, parlamentarızmdi, parlamentarızm ınstıtýttaryn qoǵamnyń kúndelikti ómirine engizý máseleleri qazir de elimizde suranysqa ıe jáne ózekti dep esepteımiz», - dedi depýtat elordada tilshilerge bergen suhbatynda.

Onyń aıtýynsha, Prezıdent Qasym-Jomart Toqaev óz Úndeýinde atap ótken novellalar «Aq jol» partııasynyń kózqarastaryna sáıkes keledi. Partııa úshin parlamenttik oppozıtsııa ınstıtýtyn engizý jáne onyń saıası quqyqtaryn iske asyrý kepildikterin bekitý óte mańyzdy.

«Ótken kezeńde «Aq jol» partııasy óz tájirıbesinde osy kepildikterdiń jetispeıtinin sezindi, pikirtalas kezinde depýtattardyń mıkrofonyn óshirip tastaıtyn. Endi Memleket basshysynyń tapsyrmasymen parlamenttik oppozıtsııa ınstıtýty engizilgen soń, mundaı jaıttardyń bolmaıtynyna senimdimin», - deıdi depýtat.

Sonymen birge, A.Perýashev máslıhattarǵa partııalyq tizim boıynsha saılaýdyń jergilikti jerdegi barlyq partııa ókilderine óz múmkindikterin iske asyrýǵa múmkindik beretinin atap ótti. Máslıhattarda túrli partııa ókilderiniń paıda bolýy pikirtalasty jandandyryp, qoǵamnyń barlyq toptarynyń múddelerin barynsha tolyq qamtylýyna kómektesedi.

Sóz sońynda depýtat áıelder men jastar úshin 30 paıyzdyq kvota engizý boıynsha óz pikirin bildirdi.

«Aq jol» partııasynyń parlamenttik fraktsııasynda áıelder 40 paıyzdy quraıdy jáne bul eshqandaı kvotasyz, partııanyń óz erkimen qamtylǵan. «Aq jol» partııasynda adamdardy jynysy nemese jasy boıynsha usynbaıdy», - dedi Azat Perýashev.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT