+7 (701) 759 90 19
USD 425.59 EUR 505.43
RUB 5.61 CNY 64.83
Jańalyqtar

«Aq jol» depýtattary: Qashyqtan oqytýdaǵy sátsizdikterge kim jaýap beredi

2020 jylǵy 9 qyrkúıek 16:10
Bólisińiz:
«Aq jol» depýtattary: Qashyqtan oqytýdaǵy sátsizdikterge kim jaýap beredi

NUR-SULTAN. QazAqparat – Parlament Májilisiniń jalpy otyrysynda «Aq jol» fraktsııasynyń depýtaty Danııa Espaeva bilim berý salasyndaǵy ózekti máselelerge qatysty Úkimet basshysy Asqar Mamınniń atyna depýtattyq saýal joldady, dep habarlaıdy QazAqparat tilshisi.

Uqsas jańalyqtar
Qashyqtan oqý: Ata-ana tarapynan balasynyń tárbıesin, oqýyn qadaǵalaý kúsheıdi - muǵalim Qashyqtan oqytý máselelerin retteýge baǵyttalǵan zań jobasy Senatqa joldandy

«2016 jyldan bastap bilim júıesine respýblıkalyq bıýdjetten 27,2 mlrd teńgege transfert baǵyttaldy. Onyń ishinde bul qarajat mýltımedııalyq jabdyq alýǵa, joǵary jyldamdyqty ınternetpen qamtamasyz etýge, mektepti tsıfrlyq bilim berý resýrstaryna qosýǵa negizdeldi», - dedi D. Espaeva.

Osy oraıda ol 2017 jyly BǴM bastamasy boıynsha Qazaqstan tarapy «Orta bilimdi jańǵyrtý» jobasyn qarjylandyrýǵa 67 mln AQSh dollary somasynda Dúnıejúzilik bank zaımyn tartqanyn eske saldy. Joba maqsaty - aýyl jáne qala mektepteri arasyndaǵy bilim sapasyn teńestirý. Onyń aıasynda 5 myń mektepti mýltımedııalyq jabdyqpen qamtamasyz etý eskerilgen. Barlyq aýyl mektepteri kompıýtermen jabdyqtalady dep josparlanǵan.

«Alaıda, máseleniń ózektiligine qaramastan, qoldaǵy aqparatqa sáıkes jobanyń eshbir baǵyty boıynsha osyǵan deıin konkýrs jarııalanbaǵan. Al aýyl mektepteri úshin ınternetpen qamtamasyz etýge kompıýter men jabdyqtardy alýǵa tehnıkalyq tapsyrma da ázirlenbegen. Degenmen, Qazaqstan úsh jyl qatarynan zaımdy rezervteý úshin bıýdjetten komıssııa tólep keledi», - dedi depýtat.

Sonymen qatar ol 2020 jyldyń shildesinde Bilim mınıstrligi oqytý protsesin tsıfrlandyrý men mektep sabaqtarynyń onlaın qoljetimdigi úshin jabdyqtaý sharalaryna 74,2 mlrd teńge somasynda qarjylyndyrý turǵysynda Úkimetke ótinim jasaǵanyn aıtty.

Budan bólek D. Espaeva 29 shildede Bilim jáne ǵylym mınıstri Ashat Aımaǵambetovtiń atyna tıisti hat joldanǵanyn, onda 67 mln dollar kólemindegi halyqaralyq zaımǵa qatysty saýaldar qoıylǵanyn atap ótti. Sondaı-aq 2016 jyldan bastap (27,2 mlrd teńge) mektepter úshin jergilikti bilim basqarmalaryna bólingen qarjynyń ıgerilýine baılanysty suraqtar baǵyttalǵan.

Onyń aıtýynsha, zańnama aıasynda memlekettik organ sýaldarǵa bir aı ishinde jaýap berýi tıis. Alaıda áli kúnge deıin vedomstvodan jaýap kelmegen.

Bul turǵyda depýtat Úkimet basshysy Asqar Mamınnen Bilim jáne ǵylym mınıstrine tıisti tapsyrmany júkteýdi surady. Osy oraıda, bıylǵy 29 shildedegi «Aq jol» fraktsııasy depýtattarynyń suraqtaryna jaýap berý, depýtattar suraǵan aqparatty usynýdan jaltarǵan mınıstrliktiń jaýapty adamdaryn jaýapkershilikke tartý máselesi kóterildi.

Sonymen qatar, Qarjy mınıstrliginiń tıisti komıtetine bilim salasyn tsıfrlandyrý men qashyqtan oqytýǵa bólingen qarjynyń tıimdi ıgerilýine qatysty tekserý júrgizýdi tapsyrý usynysy aıtyldy.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT