+7 (701) 759 90 19
USD 389.98 EUR 434.01
RUB 6.10 CNY 55.04
Jańalyqtar

Aq Jaıyqta aqyn Aqushtap Baqtygerevanyń mereıtoılyq keshi ótti

2019 jylǵy 21 qyrkúıek 04:00
Bólisińiz:
Aq Jaıyqta aqyn Aqushtap Baqtygerevanyń mereıtoılyq keshi ótti

ORAL. QazAqparat – H.Bókeeva atyndaǵy oblystyq qazaq drama teatrynda aqyn, Memlekettik syılyqtyń ıegeri Aqushtap Baqtygereevanyń «Óleń-ómir» atty shyǵarmashylyq keshi ótti, dep habarlaıdy QazAqparat tilshisi.

Uqsas jańalyqtar
Qostanaıda dástúrli án baıqaýynyń jeńimpazdary anyqtaldy Qostanaıda dástúrli án oryndaýshylarynyń baıqaýy ótip jatyr Elordada tanymal kompozıtorlardyń án keshi ótti

Bıyl eli Aq Jaıyqtyń aq shaǵalasy dep atap ketken Aqushtap Baqtygereıqyzynyń 75 jasqa tolǵany belgili.


Osyǵan oraı oblys aýdandarynda uıymdastyrylǵan sharalar Oral qalasynda jalǵasyn tapty.

Kesh barysynda aqynnyń óleńderi oqylyp, onyń sózderine jazylǵan ánder shyrqaldy. «Erke samal» atty qoıylym kórermenderge aıryqsha áser etti.

Ádebı-mýzykalyq keshke QR halyq ártisi, Memlekettik syılyqtyń ıegeri Roza Rymbaevanyń arnaıy qatysyp, Aqushtap aqynnyń óleńderine jazylǵan ánderdi oryndaýy shara shyraıyn asha tústi. Oǵan aqynnyń qyzy, tanymal qobyzshy Ǵazıza Ǵabdyrahımqyzynyń qosylýy óleń men kúı qatar qonǵan kıeli shańyraqtyń mártebesi bıik ekendigin, máńgi ólmeıtin babalar murasynan bastaý alyp jatqandyǵyn taǵy bir tanytty.


Sahnaǵa Aqushtap Baqtygereevanyń ózi de kóterilip, jınalǵan jurtshylyqqa syr tıegin aǵytyp, ózegin jaryp shyqqan óleńderin oqydy.

Oblys ákimi Ǵalı Esqalıev aqynnyń shyǵarmashylyq áleýeti, jyr álemi eshkimge uqsamaıtyndyǵymen erekshelenetinin, eli ony qaıratker retinde de árdaıym qurmetteıtinin atap ótti.

Halyqaralyq «Alash» ádebı syılyǵynyń ıegerleri, Qazaqstan Jazýshylar odaǵy basqarmasynyń hatshysy, aqyn Ǵalym Qalıbekuly, jazýshy-jýrnalıst Sara Látıeva, QR eńbek sińirgen qaıratkeri, satırık Kópen Ámirbek jáne basqalar mereıgerge ıgi tilekterin jetkizip, onyń qazaq ádebıetindegi orny, alǵan bıikteri men asýlaryna toqtaldy.

Aqynnyń 75 jyldyǵyna arnalǵan mereıtoılyq sharalar senbi kúni týǵan jeri – Terekti aýdany Aqjaıyq aýylynda qorytyndylanady. Munda «Alash jyrynyń aq shaǵalasy» atty mádenı shara men «Ǵalamat jyr týdyrar aqyn beıne» atty respýblıkalyq ádebı-jyr baıqaýy dala qyzyqtaryna ulasady.







Bizdiń kanalymyzǵa jazylyńyz:

Bólisińiz:

Avtor:

Eljan Eraly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT