+7 (701) 759 90 19
USD 445.84 EUR 490.47
RUB 5.73 CNY 62.87
Jańalyqtar

Aq Jaıyqta Abaı jyly saltanatpen ashyldy

2020 jylǵy 18 aqpan 20:42
Bólisińiz:
Aq Jaıyqta Abaı jyly saltanatpen ashyldy

ORAL. QazAqparat - H.Bókeeva atyndaǵy Batys Qazaqstan oblystyq qazaq drama teatrynda óńirdegi Abaı jyly saltanatpen ashyldy, dep habarlaıdy QazAqparat tilshisi.

Uqsas jańalyqtar
Túrkııalyq ánshi Abaıdyń ánine klıp túsirdi Abaı jáne Marjanı dúnıetanymy týraly maqala tatar tiline aýdaryldy Abaı týraly fılmder naqtylanýda - Aqtoty Raıymqulova

Abaıdyń 175 jyldyǵyna arnalǵan «Abaı – halyqtyń rýhanı qazynasy» atty sharada uly aqynnyń óleńderi men qara sózderi oqyldy.

Teatrlandyrylǵan kóriniste Abaıdyń beınesi (ártis Musaǵalı Bektenov) eńselenip, Ǵ.Qurmanǵalıev atyndaǵy oblystyq fılarmonııasy Dáýletkereı atyndaǵy qazaq halyq aspaptar orkestriniń (bas dırıjery Erkin Nurymbetov) súıemeldeýimen belgili ánshi, Qazaqstannyń eńbek sińirgen qaıratkeri, «Parasat» ordeniniń ıegeri Hatımolla Berdiǵalıev áýelete án shyrqady. Óńirge tanymal ónerpazdar Abaıdyń basqa da týyndylaryn oryndady.

Saltanatty sharada sóz alǵan oblys ákimi Ǵalı Esqalıev uly aqynnyń 175 jyldyǵyna arnalǵan jıyndar jyl boıy jalǵasatynyn jetkizdi.

Oral qalasyndaǵy Abaı alańy abattandyrylyp, onyń qara sózderi, aforızmderi jazylǵan tastar ornatylady.

Oblys basshysynyń atap ótkenindeı, Aq Jaıyq óńiri – álem ádebıetiniń klassıkteri Pýshkın, Tolstoı, Krylov, Dal jáne basqa tanymal aqyn-jazýshylardyń izi qalǵan tarıhı meken. Osy Pýshkınniń, Krylovtyń, Lermontovtyń shyǵarmalaryn qazaq tiline aýdaryp, kúlli qazaq dalasyna tanytqan Abaı bolatyn. Sondyqtan qazirgi Pýshkın mýzeıiniń jumysy qaıta qurylyp, munda kelgen kórermenderge orys ádebıeti klassıkteriniń muralary Abaı arqyly jańa qyrynan kórsetiledi.

Óńirdiń taǵy bir ereksheligi – Reseı Federatsııasynyń bes oblysymen shektesetindigi. Bul oblystarda 470 myńǵa jýyq qandasymyz turady. Aldaǵy ýaqytta Reseıdegi qazaqtarǵa Abaı muralary keńinen nasıhattalyp, shyǵarmalarynyń elektrondy nusqalary qazaq dıasporasy ókilderine taratylatyn bolady.

Uly Abaıdy Batys Qazaqstan oblysymen baılanystyratyn bir jaıt – onyń ustazy, oqymysty, dindar, ǵalym Kamaraddın Bıjomartulynyń Bókeı ordasy aýdanynan túlep ushqandyǵy. Ol 1807 jyly osy óńirde dúnıege kelgen.

Kamaraddın týraly alashtanýshy ǵalym, jazýshy Tursyn Jurtbaı: «Qunanbaı qajy balasy Abaıdy Semeı qalasynda ornalasqan medresege oqýǵa bergen. Úsh aıdan keıin: «Myna bir jas moldanyń oqýy kúshti eken», - dep Kamaraddın moldaǵa aýystyrǵan» dep jazdy.

«Osyndaı qundy tarıhı shejirelerimizdi keıingi urpaqqa nasıhattap, Abaı babamyzdyń óshpes dúnıelerin urpaǵymyzǵa ónege qylyp qaldyrýymyz kerek», dedi óńir basshysy.


Bizdiń kanalymyzǵa jazylyńyz:

Basty sózder: Batys Qazaqstan oblysy, #Abai175,
Bólisińiz:

Avtor:

Eljan Eraly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT