Aq Olımpıada oıyndarynda Qazaqstan qandaı jetistikterge qol jetkizdi
2022 jylǵy 25 qańtar 12:09

Aq Olımpıada oıyndarynda Qazaqstan qandaı jetistikterge qol jetkizdi

NUR-SÚLTAN. QazAqparat - Sanaýly kúnderden keıin tórtkúl dúnıe Beıjińde ótetin tórtjyldyqtyń basty dodasyna kóz tigedi. Bul Qazaqstan táýelsizdigin alǵannan beri qatysyp otyrǵan segizinshi qysqy Olımpıada bolmaq. Biz búgin qazaq eli osyǵan deıingi Aq Olımpıada oıyndarynda qandaı jetistikterge qol jetkizgenin bir sholyp shyǵýdy jón kórdik.

Qysqy Olımpıada oıyndary tarıhynda qazaqstandyqtar arasynan alǵashqy medaldi qostanaılyq shańǵyshy Ivan Garanın Keńes Odaǵy kezinde jeńip alǵan. Ol 1976 jyly Insbrýk qalasynda ótken XII Olımpıada oıyndarynda eki qola medal enshilegen bolatyn. Al 1988 jyly Kalgarıde ótken XV Olımpıada jarystarynda shańǵyshylar Vladımır Sahanov - kúmis, Vladımır Smırnov qos kúmis pen qola medalǵa qol jetkizdi.

Alaıda, bul júldeler el egemendigine deıin bolǵandyqtan kóp jaǵdaıda jıi aıtyla bermeıdi.

Qazaq eli 1994 jyly tuńǵysh ret táýelsiz memleket retinde Aq Olımpıadada baq synap, kók týymyzdy tórtjyldyq dodanyń tórinde jelbiretti. XVII Qysqy Olımpıada oıyndarynda el quramasy qanjyǵasyna 1 altyn, 2 kúmis medal salyp qaıtty. Bul úsh medaldyń úsheýin de shańǵyshy Vladımır Smırnov alyp berdi. Osy júldelerdiń arqasynda elimiz jalpykomandalyq esepte 12-orynǵa turaqtady.

Mine, sol ýaqyttan beri Qazaqstan sportshylary Qysqy Olımpıada oıyndarynan birde-bir altyn júlde ala almaı keledi.

1998 jyly Japonııanyń Nagano qalasynda ótken XVІІІ Oıyndarǵa taǵy da shańǵyshy Vladımır Smırnov qatysyp, «qola» enshiledi. Sondaı-aq konkımen júgirýshi Lıýdmıla Prokashevaǵa da qola medal buıyrdy.

Ókinishke qaraı, 2002 jyly AQSh-tyń Solt-Leık-Sıtı qalasynda ótken XІH jáne 2006 jyly Italııanyń Týrın qalasyndaǵy XH Oıyndarda otandastarymyzdyń eshbiri jeńis tuǵyrynan kórine alǵan joq.

Al 2010 jyly Kanadanyń Vankýver qalasynda jalaýy jelbiregen HHІ Qysqy Olımpıada oıyndarynda qazaqstandyq bıatlonshy Elena Hrýstaleva jekeleı synda kúmis medaldi jeńip aldy.

2014 jyly Reseıdiń Sochı qalasynda ótken Qysqy oıyndarda mánerlep syrǵanaýshy Denıs Ten qos baǵdarlama boıynsha 255,1 upaı jınap, Qazaqstan qorjynyna qola júldeni saldy.

Al sońǵy 2018 jyly Ońtústik Koreıanyń Phenchhan qalasynda ótken oıyndarda ıÝlııa Galysheva frıstaıldyń mogýl túrinen bir qola medalǵa qol jetkizdi.

Qazaqstannyń Qysqy Olımpıada oıyndarynda alǵan medaldar sany:

1994 jyl: 1 altyn, 2 kúmis medal

1998 jyl: 2 qola medal

2002 jáne 2006 jyldary júlde bolǵan joq

2010 jyl: 1 kúmis medal

2014 jyl: 1 qola medal

2018 jyl: 1 qola medal

Mine, kórip otyrǵandaryńyzdaı Qazaqstan qysqy Olımpıada oıyndarynan uzyn-sany 8 medal jeńip alǵan. Onyń bireýi - altyn, úsheýi - kúmis, tórteýi -qola medal.

Endigi úmit «Beıjiń-2022» Aq Olımpıadasy. Basty doda 4 aqpan kúni bastalyp, 16 aqpan kúni máresine jetedi. Qytaıda jalpy sany 109 medal sarapqa salynady. Jarystar Beıjiń qalasynan bólek qasyndaǵy ıAntsın jáne Chjıantszıakoý qalalarynda da ótedi.


Avtor:
Tilshi

Jańalyqtar

MURAǴAT