«Aq maınerler» kesheden beri jumysyn qaıta jandandyrdy – Bolat Aqsholaqov
2022 jylǵy 20 mamyr 14:40

«Aq maınerler» kesheden beri jumysyn qaıta jandandyrdy – Bolat Aqsholaqov

NUR-SULTAN. QazAqparat – QR Energetıka mınıstri Bolat Aqsholaqovtyń aıtýynsha, «aq maınerler» kesheden beri elektr júıesine qaıta qosylyp, jumystaryn jandandyrýǵa múmkindik alǵan, dep habarlaıdy QazAqparat tilshisi.

Nur-Sultan qalasynyń turǵyndarymen kezdesýinde Energetıka mınıstri «aq» maınerler» sanatyna jatatyn zańdy maınıngpen aınalysýshy kásiporyndardyń kesheden bastap jumystaryn qaıta jandandyrýǵa ruqsat alǵanyn atap ótti.

Mınıstr bul málimetti keıin BAQ ókilderiniń saýalyna jaýap bergen kezde de rastady.

«Biz buǵan deıin «aq maınerge» resmı tirkelgen kompanııalar jatýy kerek degen bolatynbyz, esterińizde shyǵar. Ondaı kásiporyndar salyq tóleýshi bolyp esepteledi. Eń bastysy, olar ózderi satyp alǵan, tikeleı menshigindegi qondyrǵylardy paıdalanady. ıAǵnı, maınıngpen aınalysýǵa qajet qondyrǵylary kedendik rásimdeýden ótken, alym-salyǵy tólengen bolýy shart. Osy talapqa saı bolsa, qolda bar múmkindikter sheginde elektr tutynýyn qarastyrýǵa bolady. Biraq taǵy da aıtamyn, eger elektr júıesi tapshylyq sezetindeı jaǵdaı týyndasa, olardy birden ajyratamyz. Meniń bilýimshe «aq maınerler» kesheden beri jumys istep bastady», - dedi Bolat Aqsholaqov.

Atalmysh kezdesýde Energetıka mınıstri maınıng fermalardy ulttyq elektr júıesinen bólip tastaýdy usyndy.



Jańalyqtar

MURAǴAT