+7 (701) 759 90 19
USD 420.76 EUR 498.6
RUB 5.6 CNY 62.27
Jańalyqtar

Aıda Balaeva rezervshilerdiń qoǵammen dıalog ornatýǵa qatysty saýalyna jaýap berdi

2020 jylǵy 15 tamyz 17:46
Bólisińiz:
Aıda Balaeva rezervshilerdiń qoǵammen dıalog ornatýǵa qatysty saýalyna jaýap berdi

NUR-SULTAN. QazAqparat - QR Aqparat jáne qoǵamdyq damý mınıstri Aıda Balaeva prezıdenttik kadrlyq rezervke kirgen jastarmen Zoom tuǵyrnamasynda onlaın rejımdegi kezdesýde memlekettik tapsyrysty qalyptastyrý barysynda azamattyq qoǵam ınstıtýttarymen talqylaý júrgiziletindigin aıtty, dep habarlaıdy QazAqparat tilshisi.

B2C consulting group basqarýshy seriktesi, rezervshi Aleksandr Danılovtyń moderatorlyǵymen ótken kezdesýge elimizdiń barlyq derlik óńirinen prezıdenttik kadrlyq rezervke kirgen jastar qatysty. Shara barysynda QR Aqparat jáne qoǵamdyq damý mınıstri úkimettik emes uıymdar usynatyn barlyq joba mınıstrliktiń negizgi seriktesi sanalatyn Azamattyq alıans tarapynan saraptalatyndyǵyn atap ótti.

«Biz úshin halyqtyń aqparatqa qoljetimdiligin qamtamasyz etý mańyzdy mindet. Memlekettik qyzmette bul aqparat jıi bıýrokratııalyq tilde berilip, halyq belgili bir bastamany, baǵdarlamanyń túpki mánin jete túsinbeı jatady. Sondyqtan aqparatty qarapaıym tilmen jetkizý óte mańyzdy. Biz qoldanbaly sıpatqa ıe memlekettik baǵdarlamalar portalyn qurdyq. Ony suraq-jaýap túrindegi YouTube qosymshasymen tolyqtyrdyq. Búgingi kúni halyqpen belsendi keri baılanysty ornatyp, olardyń únin estý, suranystaryna jaýap berý mańyzdy», - dedi mınıstr.

Onyń atap ótýinshe, úkimettiń emes uıymdar tarapynan usynylatyn jobalardyń barlyǵy múmkindiginshe áleýmettik baǵdarlanǵan bolýy qajet ári halyqtyń barlyq sanatyna kómektesý tıis.

«Biz bul jobalardy júzbe-júz talqylaýǵa jáne onyń júzege asyrylý tıimdiligin qadaǵalap otyrýǵa nıettimiz. Sol kezde memlekettik qyzmetke ári jekelegen mınıstrlikterdiń atyna syn-pikirler az bolar edi», - dedi Aıda Balaeva.

Onlaın kezdesý barysynda QR Indýstrııa jáne ınfraqurylymdyq damý mınıstrliginiń Jobalyq basqarý departamenti dırektorynyń orynbasary Azız Ysqaqov mınıstrden «rezervshilerden jasaqtalǵan bastamashyl toptyń Ashyq úkimet portalyn qaıta iske jumysyna tartylýy múmkin be» dep suraǵan bolatyn.

«Ókiletti organ Tsıfrlyq damý, ınnovatsııa jáne aeroǵarysh ónerkásibi mınıstrligi sóizderdiń kómekterińizdi qabyl alady. Sizderdiń qatysýlaryńyz úshin ara aǵaıyn bolýǵa daıynmyn. Men úshin Ashyq úkimet portalynyń jumys istegeni mańyzdy. Ony barynsha beıimdeý qajet, jańa qyzmetteri de bolýy múmkin», - dep jaýap berdi mınıstr.

Al Óskemen qalalyq máslıhatynyń depýtaty Stanıslav Kárimov memlekettik organdar tarapynan sheshimderdi halyqpen talqylaýda kemshilikter bar ekendigin aıtty.

«Balamasyz sheshim degen túsinik bar. Memlekettik organdar halyqpen talqylamaı jatyp sheshimderdi shuǵyl qabyldap jatady. Talqylaǵannyń ózinde mán-jaıyn aldyn ala talqylaý joq. Dıalogty talqylaýda kemshilikter bar. Eger muny jolǵa qoısa, onda kóptegen problema sheshiler edi. Menińshe, úkimettik emes uıymdar jumysynyń nátıjeliligi tómen. Olar memlekettik tapsyryspen joba jasaǵanymen jumystary kórinbeıdi», - dedi Stanıslav Kárimov.

Osy rette mınıstr onyń pikirine qoldaý kórsetti.

«Qazirgi ýaqytta biz siz aıtqan sharalardyń barlyǵyn júzege asyrýǵa nıettimiz. Sondyqtan «qoǵammen turaqty suhbattastyq mańyzdy» dep óte durys atap óttińiz», - dedi Aıda Balaeva.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janat Qapalbaeva
Janat Qapalbaeva
954-059

MURAǴAT