+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Aıda Balaeva: Otbasynyń beriktigi ondaǵy ózara syılastyq pen qurmetke baılanysty

2021 jylǵy 15 mamyr 11:38
Bólisińiz:
Aıda Balaeva: Otbasynyń beriktigi ondaǵy ózara syılastyq pen qurmetke baılanysty

NUR-SULTAN. QazAqparat - QR Aqparat jáne qoǵamdyq damý mınıstri Aıda Balaeva qazaqstandyqtardy halyqaralyq otbasy kúnimen quttyqtady, dep habarlaıdy QazAqparat.

«Búgin - halyqaralyq otbasy kúni. Otbasy – barshamyz úshin qasterli de qadirli uǵym. Rasynda árbir otbasy – tutas qoǵamnyń aınasy. Biraq, otbasynyń irgesin bekitip, qabyrǵasyn qataıtý – ómirge urpaq ákelý, mol tabys tabý qaǵıdalarymen ǵana shektele me?! Meniń oıymsha, otbasynyń beriktigi – eń aldymen ondaǵy ózara syılastyq pen qurmetke, bıik rýhanı deńgeı men tárbıege baılanysty. Bizdiń qaı-qaısymyz ómirlik daǵdyny, minezimizdi, basqalarmen baılanys mádenıetin otbasyndaǵy tárbıeden qalyptastyramyz. Áke-shesheniń bir-birine degen qurmeti, aınalaǵa degen qarym-qatynasy – bala úshin eń birinshi ómirlik úlgi. Sonyń ishinde, ananyń yqpaly men róli ásirese erekshe dep sanaımyn. Áıeldiń ata-anaǵa degen izeti, jubaıyna qurmeti, balasyna degen meıirimi, ózine degen senimi – barlyǵy da bala tárbıesindegi negizgi alǵyshart. Balanyń tyńdap oı túzeıtin de, qarap boı túzeıtin de úlgisi osynda jatyr» dep jazdy Aıda Balaeva Facebook paraqshasynda.

Aqparat jáne qoǵamdyq damý mınıstri «Uıada ne kórseń – ushqanda sony ilesiń» degen halyq danalyǵyn eske saldy. ıAǵnı, otbasylyq tárbıe - kúndelikti jaýapkershilik.

Bunyń barlyǵy da - bizdiń halyqtyń ózine tán otbasylyq tárbıe ınstıtýtynda bar dúnıe. Ol ǵasyrdan ǵasyrǵa sozylyp, urpaqtan urpaqqa sabaqtasyp keledi.

Sebebi bul ulttyq kodymyzǵa jazylǵan rýhanı qundylyqtar.

«Biz keshe ǵana jyldaǵy dástúrmen kezekti «Mereıli otbasy» ulttyq konkýrsyn bastadyq. Bul shyn máninde naǵyz halyqtyq qoldaýǵa ıe ulttyq jobaǵa aınaldy. Búginde keıbir BAQ elimizde otbasylyq qundylyqtardyń ózgergenin jazyp jatady. Degenmen shyn máninde bizdiń qoǵamda úlgi bolatyn otbasylar óte kóp. El Táýelsizdiginiń 30 jyly ishinde uıymdastyrylatyn osyndaı ártúrli jobalar men baıqaýlar bizge osyny kórsetip keledi. Muraty bıik memleket te, birligi berik qoǵam da – eń aldymen birligi zor, berekesi mol otbasydan quralady. Osyndaı otbasylar – erteńgi el basqaratyn zııaly azamatty da tárbıeleıdi, básekege qabiletti qoǵamdy da qalyptastyrady. Sondyqtan Otbasy merekesi barshańyzǵa qutty bolsyn! Denderińizge saýlyq, baıandy baqyt pen berekeli tatýlyq tileımin! Otbasylaryńyz aman bolsyn!» dep túıindedi sózin mınıstr.

Aıta keteıik, búgin álem elderi halyqaralyq otbasy kúnin atap ótip jatyr.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT