+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Aıda Balaeva: Kez kelgen jumystyń jemisti bolýy ǵylymı negiz ben janashyr mamanǵa baılanysty

2020 jylǵy 29 qazan 18:01
Bólisińiz:
Aıda Balaeva: Kez kelgen jumystyń jemisti bolýy ǵylymı negiz ben janashyr mamanǵa baılanysty

NUR-SULTAN. QazAqparat – Kez kelgen jumystyń jemisti bolýy tereń ǵylymı negiz ben sol bastamaǵa shyn janashyr mamanǵa baılanysty. Bul týraly Aqordada ótken Qoǵamdyq sanany jańǵyrtý jónindegi ulttyq komıssııa otyrysynda QR Aqparat jáne qoǵamdyq damý mınıstri Aıda Balaeva aıtty, dep habarlaıdy QazAqparat tilshisi.

Uqsas jańalyqtar
Fýtboldan ÁCh- 2022: Eýropadaǵy irikteý kezeńiniń jerebesi 7 jeltoqsanda tartylady Bolat Tilepov: Ózara kómek pen áriptestik – azamattyq qoǵam qurýdyń basty talaby Áleýmettik jelide ornyqty oıdy nasıhattaýdyń joldary qandaı

«Kez kelgen jumystyń jemisti bolýy tereń ǵylymı negiz ben sol bastamaǵa shyn janashyr mamanǵa baılanysty. Sondyqtan, bul máselelerge úlken kóńil bólinedi. Osyǵan oraı, mınıstrlik janynan arnaıy Qoǵamdyq damý ınstıtýtynyń qyzmeti jolǵa qoıyldy. Oǵan baǵdarlamaǵa ǵylymı-saraptamalyq jetekshilik etý mindetimen qatar, óńirlik keńselerdegi mamandarǵa ádistemelik-metodologııalyq kómek kórsetý jumysy júktelgen», - dedi Aıda Balaeva.

Mınıstrdiń atap ótýinshe, osy jyldyń ózinde ınstıtýt kúshimen 26 ǵylymı is-shara, 30 áleýmettik zertteý, 5 saraptamalyq baıandama daıyndalyp, jaýapty memlekettik organdarǵa usynyldy. Ólkelerde 13 praktıkalyq semınarlar men 30-dan astam vebınarlar ótkizilip, «Rýhanı jańǵyrýmen» aınalysatyn 500 maman bilimin shyńdady.

«Eń bastysy – Elbasy atap kórsetken rýhanı jańǵyrýdyń negizgi qundylyqtary túsindirilip, kóptegen is-sharalardyń tujyrymdamasy ózgerdi», - dedi ol.

Eske sala keteıik, Memlekettik hatshy Qyrymbek Kósherbaevtyń tóraǵalyǵymen ótken komıssııa otyrysynda «Rýhanı jańǵyrý» baǵdarlamasyn odan ári tereńdetip Ulttyq jańǵyrý kezeńine ótkizýdiń arnaıy Jol kartasyn jasaý qajet degen sheshim qabyldandy. Bul qujat asa mańyzdy ulttyq joba retinde júrgiziledi.

Ulttyq jańǵyrý jobasynyń eń basty máni – Ulttyń básekege qabilettiligin arttyrý. Bul – ulttyq jańǵyrýdyń strategııalyq maqsaty bolyp qalady. Jol kartasynda Memlekettik til mártebesin arttyrý, Bilim jáne ǵylymdy damytý, Joǵary ulttyq jáne jalpyadamzattyq qundylyqtar negizinde rýhanı-adamgershilik jáne patrıottyq tárbıe berý, Eńbek adamyn qalyptastyrý, Aýyldy túletý sııaqty t.b keshendi is-sharalar qamtylady. Memlekettik hatshy otyrysty qorytyndylaı kele, «Rýhanı jańǵyrý» baǵdarlamasynyń basym baǵyttary boıynsha jumysty odan ári jandandyrý boıynsha naqty tapsyrmalar berdi.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT