+7 (701) 759 90 19
USD 386.19 EUR 427.71
RUB 6.07 CNY 54.87
Jańalyqtar

Aıda Balaeva almatylyqtar jıi kóteretin məselelerdi atady

2019 jylǵy 29 qazan 19:37
Bólisińiz:
Aıda Balaeva almatylyqtar jıi kóteretin məselelerdi atady

NUR-SULTAN. QazAqparat – Jer telimderine qatysty sot isteri Almatynyń ınvestıtsııalyq tartymdylyǵyn tómendetedi. Bul týraly Almatyny damytý jónindegi keńeste QR Prezıdentiniń kómekshisi — QR Prezıdenti Ákimshiliginiń Ótinishterdi qaraýdy baqylaý bóliminiń meńgerýshisi Aıda Balaeva málim etti, dep habarlaıdy QazAqparat tilshisi.

Uqsas jańalyqtar
Aqtóbede kezekte turǵan adamdar alǵan 19 myń jer telimine ınjenerlik jeli múlde tartylmaǵan

«Almaty – ol árbir qazaqstandyq úshin erekshe qala, ıaǵnı azamattyq bastamalardyń ári jarqyn, kreatıvti adamdardyń shahary. Almatylyqtar dástúrli túrde ótinimderdiń jalpy statıstıkasynda eń belsendilerdiń biri. Jyl basynan beri elimiz boıynsha tirkelgen 19 myń ótinimniń arasynda Almatynyń úlesine árbir besinshisi nemese 4 myńǵa jýyǵy tıesili. Olardyń qurylymy da basqa qalalarǵa qaraǵanda ózgeshe. Elimizdiń basqa óńirlerindegi sııaqty ótinimderdiń basym bóligi sot sheshimderine kóńil tolmaýyna qatysty, sondaı-aq áleýmettik qoldaý máselesine, úlestik qurylys jáne ózge de problemalarǵa baılanysty», - dedi A. Balaeva.

Onyń sózine qaraǵanda, shaǵymdardyń birazy kásipkerlik pen jer qatynastary máselesin qamtyp otyr. Sonymen birge, onyń kóbisi túrli sot ınstantsııalarynyń qaraýynda turǵan kórinedi. Bul óz kezeginde qalanyń ınvestıtsııalyq tartymdylyǵyna teris áser etedi. Sondyqtan da Almaty ákimdigine bul salany erekshe baqylaýǵa alǵany jón.

Budan bólek, Prezıdent kómekshisi almatylyqtar jıi kóteretin basqa da taqyryptarǵa jekeleı toqtaldy. Osy oraıda qaladaǵy jáne onyń mańyndaǵy ekologııalyq jaǵdaı erekshe nazarda tur.

Munymen qosa, turǵyndardy medıtsınalyq qyzmet kórsetýdiń sapasy alańdatady, ıaǵnı emhanalardaǵy uzyn-sonar kezek pen medıtsınalyq ınfraqurylymnyń qoljetimdigi máselesi bar. Bul turǵyda medıtsınalyq qyzmet sapasy barlyq talaptarǵa sáıkes bolýy kerektigi aıtyldy.

Sonymen qatar, A. Balaeva qoǵamdyq kólik júrgizýshileriniń tártibi, aýany lastaıtyn avtomashınalardy paıdalaný problemalaryn sheshý kerektigin atap ótti.

Keńes barysynda qaladaǵy krımınogendik jaǵdaıǵa nazar aýdarý máselesi qozǵaldy.

A. Balaeva qala aýmaǵynda qurylys júrgizý kezinde týyndaıtyn problemalarǵa jeke toqtaldy. Bul turǵyda qalalyq orta sapasynyń nasharlaýyna alyp keletin keleńsiz jaǵdaılarǵa jol bermeý kerektigi máselesi kóterildi.

Prezıdent kómekshisi shahardaǵy jarnamalardy ilý kezinde memlekettik tildegi mátinderdiń saýatty jazylýy taqyrybyna ekpin qoıdy. Sebebi mátindegi qatelikter, aýdarmanyń durys bolmaýy sekildi jaǵdaılar kezdesýde.

A Balaeva qala aýmaǵynyń keńeıýine baılanysty problemalarǵa da toqtaldy. Birqatar azamattar oblystyq baǵynysta bolǵan kezinde alynǵan ózderiniń jer telimderin rásimdeýmen qıyndyqtarǵa tap bolýda. Qalaǵa qosylǵan aýmaqtar damý men abattandyrý jaǵynan qalys qalyp jatyr. Bul jerlerde káriz júıesi jumys istemeıdi, al keıbir jerlerde sý qubyry men jol sapasy tıisti deńgeıde emes. Qala aýmaǵyn keńeıtý kezinde oryn alǵan esepsizdik saldarynan, qalalyq qyzmetter jańa aýmaqtarǵa tıisti deńgeıde qyzmet kórsetpeýde.

Prezıdent kómekshisi osyndaı problemalardy Almaty bıligi ortalyq memlekettik organdarmen ózara is-qımyl arqyly belsendi túrde sheshýi kerektigin atap ótti.

Aıta keteıik, búgin QR Prezıdenti Qasym-Jomart Toqaev Almaty qalasyn damytý máseleleri jóninde keńes ótkizdi.

Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT