+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Aıda Balaeva: Áleýmettik ótkir taqyryptardy taratýda qoǵam aldyndaǵy jaýapkershilikti umytpaǵan jón

2021 jylǵy 27 qyrkúıek 12:42
Bólisińiz:
Aıda Balaeva: Áleýmettik ótkir taqyryptardy taratýda qoǵam aldyndaǵy jaýapkershilikti umytpaǵan jón

NUR-SULTAN. QazAqparat – QR Aqparat jáne qoǵamdyq damý mınıstri Aıda Balaeva BAQ-ta ótkir áleýmettik taqyryptardy taratýǵa qatysty óz pikirin bildirdi, dep habarlaıdy QazAqparat tilshisi.

Uqsas jańalyqtar
Ystanbulda Túrki keńesiniń medıaforýmy ótip jatyr

Qazir elordada «Astana Media Week – 2021» jyl saıynǵy medıa aptalyǵy ótip jatyr. Aýqymdy medıa sharanyń aıasynda «Ótkir áleýmettik taqyryptardy túsindirý erekshelikteri» taqyrybynda dóńgelek ústel ótti.

«Ótkir áleýmettik taqyryptardy taratýda halyqaralyq tájirıbege súıensek, olarda arnaıy qujat bar. Degenmen ótkir áleýmettik taqyryptardy taratýdy retteıtin qujat barlyq BAQ-ta birdeı emes. Mysaly, BBC- diń standarty boıynsha aqparat taratýshy onyń rastyǵyna, obektıvtiligine, jeke pikirin qospaı, emıtsııasyz jetkizýde halyq aldynda jaýapty. The New Work Times-tiń prıntsıpteri boıynsha tilshi jumys barysynda óziniń saıası ustanymy men pikirin bildirýge nemese bireýdiń jeke basyna nuqsan keltirýge ruqsat joq. Sol sııaqty atalǵan basylymnyń tilshilerine beıresmı derekterdi qoldanýǵa qatań tyıym salynǵan. Osy másele boıynsha óz elimizge kelsek, ótken jylǵy júrgizilgen monıtorıng nátıjesinde otandyq BAQ betterinde 500-den astam materıal anyqtaldy. Ol materıaldarda ótkir áleýmettik taqyryptardy taratýda quqyqbuzýshylyq oryn alǵan», - dedi Aıda Balaeva.

Mınıstrdiń aıtýynsha, elimizde BAQ týraly zańdy buzǵan 6 sheteldik saıttyń jumysy toqtatyldy.

«BAQ-ta áleýmettik taqyrypty taratý, el qoǵamynda mańyzdy ról atqarady. Joǵaryda atalǵan zań buzýshylyqtar týraly olardyń basshylyǵyna resmı hat jiberilip, qatelikti joıý kerektigi eskertildi. Taǵy bir aıtyp ótetin jaıt, zań tek BAQ ókilderine arnalmaǵan, jalpy halyqqa arnalǵan. Sondyqtan áleýmettik ótkir taqyryptardy taratýda zańnan bólek, ádep, qoǵam aldyndaǵy jaýapkershilikti umytpaǵan jón», - deıdi ol.

Aıta ketsek, AMW-2021 barysynda halyqaralyq medıaqaýymdastyq músheleri aqparattyq kún tártibiniń ózekti máselelerin kóteredi. Іs-sharaǵa bedeldi álemdik BAQ-tyń top-menedjerleri, memlekettik apparat ókilderi, tanymal jýrnalıstter, dokýmentalıster jáne AQSh, Ulybrıtanııa, Reseı, Qazaqstan, Ózbekstan, Qyrǵyzstan blogerleri qatysady.

Sondaı-aq, atalǵan shara aıasynda elimizge belgili Beısen Quranbek atyndaǵy «Jiger» baıqaýynyń jeńimpazdary marapattaldy.



Bizdiń kanalymyzǵa jazylyńyz:

Bólisińiz:

Avtor:

Álı Ibraev

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT