+7 (701) 759 90 19
USD 425.07 EUR 494.14
RUB 6.06 CNY 66.55
Jańalyqtar

Aıda Balaeva: Aqparatty tutynýdyń qarqyndy ósýi adamdardyń «aqparattyq fast-fýdty» sińirýge daıyn ekenin kórsetti

2021 jylǵy 16 qyrkúıek 16:29
Bólisińiz:
Aıda Balaeva: Aqparatty tutynýdyń qarqyndy ósýi adamdardyń «aqparattyq fast-fýdty» sińirýge daıyn ekenin kórsetti

NUR-SULTAN. QazAqparat – QR Aqparat jáne qoǵamdyq damý mınıstri Aıda Balaeva XVII Eýrazııalyq medıa forýmda koronavırýs pandemııasyndaǵy buqaralyq aqparat quraldarynyń róli týraly aıtyp berdi, dep habarlaıdy QazAqparat tilshisi.

«Pandemııada aqparattyq keńistik koronavırýspen kúresýdiń mańyzdy quralyna aınaldy. BAQ aldyńǵy qatarda boldy jáne saraptamalyq pikirler taratyp, túrli beınerolıkter men arnaıy baǵdarlamalar jasady. Olar memlekettiń strategııasyn da, qoǵamdyq densaýlyqty saqtaý úshin jeke jaýapkershilikti de túsindirýge baǵyttaldy. Karantın kezindegi BAQ jumysy eki kezeńde júrgizildi. Birinshi kezeńde karantınniń qajettiligin túsindirý mańyzdy boldy, al lokdaýnnyń eń joǵary sátterinde pandemııanyń áserin jeńildetý úshin qabyldanǵan jeke qaýipsizdikten memlekettik qoldaý sharalaryna deıingi dálelder keltirdi. Bizdiń BAQ búkil álem sııaqty tolyǵymen aqparattyq turlaýsyzdyq jaǵdaıynda áreket ete otyryp, bul mindetti oryndaı aldy dep oılaımyn. Qazir ótip jatqan ekinshi kezeńdegi basty mindet – jappaı vaktsınalaý qajettigi men ujymdyq ımmýnıtetti damytýdyń nátıjesi bolyp otyr», - dedi mınıstr forýmnyń «Pandemııa álemdi qalaı ózgertti jáne jahandyq ómir súrýdiń jańa baǵyttaryn qalaı anyqtady?» sessııasynda.

Mınıstrdiń aıtýynsha, búginde Qazaqstan vaktsınalaýdyń 60%-na jetti, bul tek memlekettik apparattyń ǵana emes, júıeli uıymdastyrýshylyq jumystyń da nátıjesi boldy.

«Munda BAQ róli asyra baǵalandy dep aıtý qıyn, óıtkeni olardyń «Jaqyndaryńyzdyń ómirin baǵalasańyz, ózińizden bastańyz» degen turaqty jáne progressıvti pikiri bar aqparattyq messedjderinsiz, ásirese antıvakserlik dúrligýde kópshiliktiń sanasyn oıatý qıyn bolar edi. Óıtkeni aqparatty tutynýdyń qarqyndy ósýi adamdardyń naqty paıdasy men zııanyn baǵalamaı, «aqparattyq fast-fýdty» sińirýge daıyn ekenin kórsetti», - deıdi A. Balaeva.

Sondaı-aq Aqparat mınıstri 2020 jyldyń shildesinde arnaıy «Stop Fake» ınternet-resýrsy qurylǵanyn habarlady. Saıt iske qosylǵannan beri 1500-den astam jalǵan aqparat teriske shyǵaryldy, joba kontenti ártúrli platformalarda 15 mıllıonnan astam qaralym jınady.

«Biraq shyn máninde vırtýaldy álemde halyqtyń úreıi men kúızelisin arttyratyn klıkbeıt taqyryptar áldeqaıda mańyzdy. Dál osy faktor kóptegen konspırolog-blogerler men antıvakserlerdiń ne úshin tanymal bolatynyn kórsetedi. Olar kúrdeli maǵynaly konstrýktsııalardy paıdalanbaıdy, biraq dástúrli BAQ-qa qaraǵanda áldeqaıda úlken aýdıtorııaǵa ıe bolady», - dedi mınıstr.

Vedomstvo basshysy qazirgi jýrnalısterdi kásibı qaıta daıarlaý, sonyń ishinde vırtýaldy psıhologııa, jýrnalıst etıkasy, ǵylymı málimetter bazasymen jumys isteý, mem sekildi beıneler men aqparat berýdiń basqa da vırtýaldy quraldaryn zerdeleý baǵyttary memlekettiń basty mindeti bolýy qajettigin jetkizdi.

«Jýrnalısterdiń bilimi zamanaýı ári tereń bolýy kerek. Bul kásibı jýrnalısterdi áýesqoılardan ereksheleıdi. Sondyqtan, bıyl bizdiń mınıstrlik medıtsına, ekologııa, din, quqyq, IT máselelerin qamtıtyn salalyq jýrnalısterdi daıarlaý úshin elimizdiń jetekshi joǵary oqý oryndarymen memorandýmdar jasady. I jartyjyldyqtyń qorytyndysy boıynsha 4000 qatysýshy oqytý kýrstarynan ótti», - dedi Aıda Balaeva.

Sonymen birge Aıda Balaeva jýrnalıster men BAQ qyzmetkerlerine eńbegi men kásibıligi úshin alǵysyn bildirdi.

«Búginde mashınalar álemindegi eń úlken mindetimiz – adam bolyp qalý qabiletimiz bolatyny túsinikti. Pandemııa kezinde medıtsına qyzmetkerlerimen, polıtsııa qyzmetkerlerimen jáne muǵalimdermen birge jýrnalıster de COVID-pen kúresýdiń aldyńǵy shebinde júrdi, al keıbiri tipti volonterlik qyzmetpen aınalysyp, qajetti zattardy, azyq-túlikterdi tasymaldady», - dedi Aqparat jáne qoǵamdyq damý mınıstri.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT