+7 (701) 759 90 19
USD 432.23 EUR 506.79
RUB 5.45 CNY 64.44
Jańalyqtar

Ahmet Baıtursynulynyń muralaryna arnalǵan jıyn ótti

2020 jylǵy 4 qyrkúıek 17:54
Bólisińiz:
Ahmet Baıtursynulynyń muralaryna arnalǵan jıyn ótti

NUR-SULTAN. QazAqparat - Til saıasaty komıteti men Shaısultan Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵy Qazaqstan halqy tilderi kúni merekesine oraı ult ustazy Ahmet Baıtursynulyna arnalǵan «Taǵzym men taǵylym» onlaın otyrysyn ótkizdi, dep habarlaıdy QazAqparat tilshisi.

Memleket basshysy Qasym-Jomart Toqaev Qazaqstan halqyna arnaǵan «Jańa jaǵdaıdaǵy Qazaqstan: is-qımyl kezeńi» atty Joldaýynda:«Qazaq qoǵamynda jańa qaǵıdattar jáne jańa baǵdarlar saltanat qurýǵa tıis. Ult ustazy Ahmet Baıtursynuly: «Bilimdi bolýǵa oqý kerek. Baı bolýǵa kásip kerek. Kúshti bolýǵa birlik kerek. Osy kerekterdiń jolynda jumys isteý kerek» deıdi. Bul kózqaras búgingi kúni óte mańyzdy»,– dep atap kórsetken bolatyn.

Sharada quttyqtaý sóz alǵan Qazaqstan Respýblıkasy Mádenıet jáne sport vıtse-mınıstri Nurǵısa Dáýeshov eki jyldan keıin týǵanyna 150 jyl tolǵaly otyrǵan uly tulǵanyń esimin máńgi este qaldyrý baǵytyndaǵy sharalar josparyna toqtalyp, onlaın otyrysqa qatysýshylardy merekemen quttyqtady.


Shara moderatory Til saıasaty komıteti tóraǵasynyń orynbasary Ádilbek Kúneshanuly Qabanyń aıtýynsha, Orfografıkalyq jumys toby on otyrysyn ótkizgen eken, bul óz kezeginde úlken talqylaýlarǵa ulasyp otyrǵan. Onomastıkalyq komıssııanyń úsh otyrysynda elimiz boıynsha bes júz ataý ózgertilgen, ıaǵnı, saıasattyń salqyny tıgen kóptegen kóne ataýlar qalpyna keltirilip, qazaq tarıhy men mádenıetine qatysty tulǵalardyń esimi berilgen. Sondaı-aq, Qazaqstan Respýblıkasy Úkimeti janyndaǵy Respýblıkalyq termınologııalyq komıssııasynyń eki otyrysy ótip, ár qaısysynda bes júzden astam termın maquldanǵan. Bul degenińiz myńnan astam jańa termın qoldanysqa enip, tilimiz sonshalyqty sózben baıydy degen sóz.

Osyndaı qajyrly qaıratkerligi men eseli eńbekteri úshin Qazaqstan Respýblıkasy Úkimeti janyndaǵy Respýblıkalyq termınologııalyq, onomastıkalyq komıssııasy músheleri, Qazaq tili álipbıin latyn grafıkasyna kóshirý jónindegi Ulttyq komıssııa janyndaǵy Orfografııalyq, Ádistemelik, Termınologııalyq, Tehnıkalyq súıemeldeý jónindegi jumys toptarynyń músheleri, oblystyq tilderdi oqytý ortalyqtarynyń basshylary Qazaqstan Respýblıkasy Mádenıet jáne sport mınıstriniń alǵyshatyna, Til saıasaty komıteti tóraǵasynyń Qurmet gramotasyna ıe boldy.

«Úsh jyl boldy, Tilder merekesi qazaq ǵylymynyń atasy, ult ustazy Ahmet Baıtursynulynyń týǵan kúnine turaqtady. Bul óte mańyzdy. Tarıh arenasyna shyqqan kez kelgen halyq óz Táýelsizdigi úshin kúresedi. Qazaq tarıhy da osyndaı azattyq arpalysyna tunyp tur. Reseı ımperııasy men qazaq halqynyń kúshi teń emes edi. Jaratqan ıemiz sol almaǵaıyp kezeńde halqymyzdyń kóz jasyna uly Abaıdy ómirge ákeldi. Odan keıin halqyna qalqan, jaýyna semser bolar Alash azamattarynyń shoǵyry qazaq kógine shyqty. Solardyń ishinde Ahmet Baıtursynulyn erekshe ataımyz», - dedi Sh.Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵynyń atqarýshy dırektory Erbol Tileshov.

Budan keıin Ahmet Baıtursynuly atyndaǵy Til bilimi ınstıtýtynyń dırektory Anar Fazyljanova, Ahmet Baıtursynuly mýzeı-úıiniń dırektory Raıhan Imahanbet, Torǵaıdaǵy murajaılar kesheniniń basshysy Gúlbaný Sársekeıler Ahmet Baıtursynuly týraly oılaryn ortaǵa salyp, quttyqtaý joldady.

Sharany vıtse-mınıstr N.Dáýeshev qorytyndylady.


Bizdiń kanalymyzǵa jazylyńyz:

Bólisińiz:

Avtor:

Balnur Qojageldi

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT