Ahmet Baıtursynulynyń mereıtoıyna arnalǵan poshta markasy shyqty
2022 jylǵy 29 maýsym 14:01

Ahmet Baıtursynulynyń mereıtoıyna arnalǵan poshta markasy shyqty

NUR-SULTAN. QazAqparat - Ult ustazy, til bilimi ǵylymynyń atasy, reformator, túrki jurtyna ortaq uly tulǵa Ahmet Baıtursynulynyń 150 jyldyǵyna arnalǵan mereıtoılyq poshta markasy ázirlendi.

Bul týraly óziniń Facebook paraqshasynda Mádenıet jáne sport mınıstrligi Til saıasaty komıtetiniń tóraǵasy Ádilbek Qaba jazdy, dep habarlaıdy QazAqparat.

Poshta markasy qaı eldi de bolmasyn álemge tanytýda sol eldiń «vızıtti kartochkasy» sanalatyny belgili.

Dızaıny «Qazposhta» AQ-men kelisilgen marka endi uly tulǵany tek álem jurtshylyǵyna tanytyp ǵana qoımaıdy, sonymen qatar A. Baıtursynuly beınesi san ǵasyrlar boıy urpaqtar jadynda saqtalatyn bolady.

Qazaqstan Respýblıkasy Tsıfrlyq damý, ınnovatsııalar jáne aeroǵarysh ónerkásibi mınıstrliginiń aqparatyna sáıkes atalǵan mınıstrliktiń 2022 jylǵy 31 mamyrdaǵy «Qazaqstan Respýblıkasy poshta tóleminiń memlekettik belgileriniń túrleri men kólemderin bekitý jáne poshta aınalymyna engizý týraly» buıryǵymen 2022 jylǵy 3 maýsymnan poshta markasy 2 000 000 (2 mıllıon) dana mólsherinde basyp shyǵarylyp, aınalymǵa engizildi.

«Arnaıy mórqalybty marka konvertteri álem fılatelısteri kollektsııalarynan oryn alary sózsiz»,-delingen jazbada.


Seriktester jańalyqtary

Jańalyqtar

Úrdis

MURAǴAT